Блогер-инфочегәннәрнең керемнәре кимегән

2022 елда табыш 4,5 млрд сум булса, 2024 ел нәтиҗәләре буенча 300-500 млн сум тәшкил иткән. Моңа салымнар түләүдән баш тарту өчен масштаблы җинаять эшләре, эшләми башлаган YouTube һәм россиялеләрнең югары белемле профильле белгечләргә өстенлек бирә башлавы йогынты ясаган. 

Ассоциация вәкилләре билгеләп үткәнчә, кайбер инфочегәннәр төрмәдә утыра, суд карарын көтә яки илдән киткән, ә калганнары үз эшчәнлекләрен туктаткан яки аны яшеренрәк алып бара. Мәсәлән, күптән түгел салым түләмәгәне өчен тоткарланган Александра Митрошинаның табышы 2022 елда 650 миллионнан 2024 елда 150 миллионга кадәр кимегән. Биш елга гомуми режимлы колониягә хөкем ителгән Елена Блиновская һәм Валерия Чекалина үз эшен туктаткан. Әмма Аяз Шабутдинов, 2023 елның ноябреннән СИЗОда булуына карамастан, эшмәкәрлек эшчәнлеген алып баруын дәвам итә. Аның бизнес мәктәбе эшли бирә. 

- Россиядә тарологлар, астрологлар хезмәтенә ихтыяҗ югары булып калуга карамастан, инфобизнесменнар тарихын ябык дип санарга мөмкин. Аларның иң эреләре үз-үзләрен дискредитацияләде, үз бизнесын диверсификацияли алучылар, яки аны реаль белем бирүгә нигезләнеп алып баручылар гына калды", - дип ассызыклый Блогерлар һәм агентлыклар ассоциациясе. 

Инфочегәннәрнең керемнәре кимү – аудитория ышанычын югалту белән бәйле закончалыклы процесс, дип саный Дәүләт Думасы депутаты Антон Немкин. Аның сүзләренчә, соңгы елларда кешеләр белем бирү контентын һәм төрле онлайн-курсларны сайлауга җитдирәк карый башлаган.