Блогерлар Сабан туенда кем баш батыр булып калган?

Теләче районы Баландыш авылында «Түгәрәк уен + Блогерлар Сабан туе» бәйрәме узды. Бәйрәмгә төрле төбәкләрдән танылган татар блогерлары җыелган. Быел беренче тапкыр бәйрәм кысаларында блогерлар арасында көрәш ярышы да оештырылды. Көрәштә баш батыр булып танылган блогер Рәмис Гыйльметдинов калды. Рәмис «Дневник татарина» сәхифәсен алып бара. Икенче урында – Марат Клубника тәхәллүсе астындагы блогер. Өченче урынны – Талип Миңнегалиев яулады, дип яза «Татар-информ».

Рәмис Гыйльметдинов быел инде көрәш мәйданнарында берничә тәкә откан иде. Аның белән интервьюны укыгыз: Блогер Рәмис Гыйльметдинов: “Сабантуйда җиңгән тәкәне корбан итеп чалдык”