Бөгелмәдәге лагерьда 12 яшьлек кызның үлеменнән соң Татарстан Сәламәтлек саклау министрлыгы менингококк инфекциясе турында аңлатма бирде.
Бөгелмәдәге лагерьда 12 яшьлек кызның үлеменнән соң Татарстан Сәламәтлек саклау министрлыгы менингококк инфекциясе турында аңлатма бирде.
Белгечләр авыруның иң куркыныч формаларының берсе — менингококцемия турында кисәтә.
Министрлык мәгълүматына караганда, күпчелек очракта менингококк инфекциясе бернинди билгесез генә уза. Кеше үзе дә авыру йөртүче булуын белмәскә мөмкин. Моны бары тик махсус бактериологик тикшерү аша гына ачыклап була.
Әмма инфекциянең авыр формасы — менингококцемия — бик тиз үсеш ала һәм тормыш өчен куркыныч тудыра. Министрлык белдерүенчә, бу очракта үлем куркынычы 40 процентка җитәргә мөмкин.
Авыруның яшен тизлегендә үсә торган формасы аеруча куркыныч. Ул тән температурасының күтәрелүе, тәндә, бигрәк тә аякларда һәм ботларда, кан саву таплары барлыкка килү белән башланырга мөмкин. Берничә сәгать эчендә үк хәл кискен начараеп, септик шок башлану ихтималы бар.
Шуңа күрә мондый билгеләр күренсә, вакытны әрәм итмичә, кичекмәстән табибка мөрәҗәгать итәргә кирәк. Инкубация чоры, ягъни инфекция йокканнан алып беренче билгеләр барлыкка килгәнче узган вакыт, якынча 10 көн тәшкил итә.
Министрлык Бөгелмәдәге очрактан соң инфекция таралуга юл куймау өчен кирәкле чаралар күрелүен хәбәр итте. Контактта булган кешеләр медицина күзәтүенә алынган, аларга вакцинация һәм антибиотиклар белән профилактик дәвалау үткәрелә.
Табиблар йогышлы авыру билгеләре сизелсә, кичекмәстән медицина ярдәме сорарга һәм белгечләр киңәшләрен үтәргә чакыра.
.jpg)
Кызыклы яңалыкларны күзәтеп бару өчен безнең МАХ каналына кушылыгыз.
#Дин
#Сәясәт
#Язмыш
Комментарийлар