#Кыскача яңалыклар 13 июль 2026, 13:07

Путин Фердинанд Сәлаховка Россиянең атказанган артисты исемен бирде

13 июль 2026, 13:07

Россия Президенты Владимир Путин Фердинанд Сәлаховка «Россия Федерациясенең атказанган артисты» дигән мактаулы исем бирү турында указ имзалады.

Скопировать ссылку

Фердинанд Сәлаховка быел 70 яшь тулды. Ул Апас районының Чури Бураш авылында туган. 1986 елда Казан дәүләт консерваториясен тәмамлаган. Иҗат юлы дәвамында ТАССР Дәүләт җыр һәм бию ансамблендә, Муса Җәлил исемендәге Татар дәүләт академия опера һәм балет театрында һәм Габдулла Тукай исемендәге Татар дәүләт филармониясендә хезмәт куйган.

Артист репертуарында 500дән артык җыр бар. Алар арасында татар халык җырлары, шулай ук классик композиторлар әсәрләре зур урын били. Аның башкаруындагы 300гә якын җыр татар җыр сәнгатенең «алтын фонды» составына кертелгән.

«Шәһри Казан» журналистының җырчы белән әңгәмәсен тәкьдим итәбез.

Фердинанд Сәлахов үзенең балачагы яшьлеге турында: «Энекәшләрем белән 83 яшьлек әби минем кулда калды»

Фердинанд Сәлахов: «Хатынымның авыруы турында беркемгә әйтмәдек, чөнки безгә “реклама” кирәкми»

Кызыклы яңалыкларны күзәтеп бару өчен безнең МАХ каналына кушылыгыз.