16+
#Кыскача яңалыклар 19 июль 2025, 21:15
58633
22
12

Татарстанның халык артисты Резидә Шәрәфиева вафат

19 июль 2025, 21:15
58633
22
12

Безгә хәбәр итүләренчә, Резидә Шәрәфиева яман чир белән авырган. Әле күптән түгел, Резидә апа туган көнендә яман шештән авырып үлгән бертуган энесе Илһамны җирләгән иде.

Скопировать ссылку

Безгә хәбәр итүләренчә, Резидә Шәрәфиева яман чир белән авырган. Әле күптән түгел, Резидә апа туган көнендә яман шештән авырып үлгән бертуган энесе Илһамны җирләгән иде.

Бу хакта җырчының якын дусты Гөлназ Шәйхи үзенең статусларында хәбәр итте, соңрак ТНВ сайтында да хәбәр чыкты.

Резидә Шәрәфиева 1966 елның 10 гыйнварында Татарстан АССР Минзәлә районы Наратлы Кичү авылында дүрт балалаы гаиләдә баш бала булып туган. Әтисе Дамир, әнисе Рәйхана. Гаиләдә дүрт бала үсәләр: ике кыз, ике малай. Сеңлесе — Дилбәр, энекәшләре — Илһам, Илдар. Беренче тапкыр 7нче класста укыганда клубта җырлый. Туган авылында сигез классны, «башлангыч сыйныф укытучысы» белгечлеге буенча Минзәлә педагогика укуханәсен тәмамлаган (1985). Бер ел Минзәлә районы Кадрәк урта мәктәбе интернатында тәрбияче булып эшли. Казанда 16нчы санлы һөнәр укуханәсендә ике ел рәссам-бизәүче һөнәре серләренә төшенгәч, бер елдан артык «Хатын-кызлар өчен товарлар» кибетендә эшли, витриналар бизи. Яр Чаллыда «Кыйбла» клубына йөреп, җырчылар белән таныша. Ринат Гобәйдуллин кул астындагы «Сердәш» ансамблендә җырлый. Казан белән Чаллы арасында дүрт ел йөреп, Милли мәдәни үзәктә эшли. 2001 елдан бирле Казан шәһәр филармониясендә хезмәт куя. 2003 елда Казан дәүләт мәдәният һәм сәнгать университетының театр факультетын тәмамлаган.

Резидә Шәрәфиева — бәрхет альт тавышка, якты, үзенчәлекле тышкы кыяфәткә ия, сәхнәдә үз стилен булдырган җырчы. Аның күп кенә сәхнә костюмнары үз эскизлары буенча булдырылган.

Җырчы 2001 елдан 2019 елга кадәр 17 аудиоальбом һәм 7 видеоклип чыгарган. Репертуарына карата да бик таләпчән. Ринат Гобәйдуллин, Фирзәр Мортазин, Зөфәр Хәйретдинов җырларын, Риваль Хисмәтуллин белән шагыйрә Айгөл Вәлиуллина иҗат иткән җырларны, Айдар Тимербаевның Айдар Минһаҗев сүзләренә язылган җырларын башкара[2].

2007 елда «Сөю көтә йөрәк» фильмында баш рольне башкара. ⠀ Яр Чаллыда «Хыял» эстрада ансамбле оештырып, 20 ел дәвамында Татарстанның атказанган артисты Равил Галиев белән чыгыш ясый. 2019-2020 елгы концерт сезонына яшь җырчы Рафаэль Якупов белән «Кем кемне?» исемле концерт программасы әзерләгән.

Башкарган җырлары: «Мәк чәчәге», «Җырлама син», «Ярат кына», «Сөлчәбашым», «Бергә булыйк» (Альфред Якшимбетов), «Сагыш», «Мәхәббәт җыры», «Рәхмәт сиңа», «Якынымның туган көне», «Гомер чишмәм», «Тормыш көймәсе», «Әнкәй янына кайттым», «Танго», «Уртак итмәде», «Бер тутырып карадым», «Гомер чишмәм», «Ялгыз йорт», «Тәгәрәп лә китте йомгагым», «Өзмә өметем», «Сиреньнәр», «Синсез», «Көндәшем» һ. б.

2016 елда чыккан әңгәмә: Резеда Шәрәфиева: «Көнчелек турында уйлап, вакыт әрәм иткәнем юк»

2022 елда чыккан әңгәмә: Резидә Шәрәфиева: "Мин гомер буе ирекле булдым..."

2025 елда чыккан әңгәмә: Резидә Шәрәфиева: “Энемне туган көнемдә җирләдем”

 

Кызыклы яңалыкларны күзәтеп бару өчен безнең МАХ каналына кушылыгыз. 

Вход на сайт

Восстановить пароль Зарегистрироваться

Язмага реакция белдерегез

12

0

126

1

1

Реакция язылган инде

Комментарийлар

  • аватар Без имени

    14

    0

    Урыны оҗмахта булсын ! Бик зәвыклы җырчы иде

    • аватар Без имени

      7

      1

      Урыны оҗмахта булсын инде, апамнын яраткан җырчысы иде

      • аватар Без имени

        9

        0

        Тэгэрэп лэ китте йомгагым жырын анын кебек башкаручыны ишеткэнем юк эле! Жэл, талант иясе иде, иртэ китте!

        • аватар Без имени

          16

          0

          Урыннары ожмахнын турлэрендэ булсын инде,БИК таланты матур жырлар жырлый иде

          • аватар Без имени

            18

            0

            БИК кызганыч....

            Теркәлергә

            Мөһим

            loading

            Безнең Вконтакте төркеменә языл!

            Подписаться