⚡ Татарстанда коточкыч авария: күп балалы әтинең гомере өзелгән, хастаханәдән дә кайгылы хәбәр бар...

"Лада Гранта" һәм "Камаз" автомобилләре бәрелешү аркасында, Кама Тамагында яшәгән күп балалы гаилә башлыгы урында ук җан биргән.

Бәрелешү шулкадәр көчле булган ки, җиңел машина юлның икенче ягындагы юл читенә очып төшкән. Машинадагы ике пассажирны ашыгыч рәвештә хастаханәгә озатканнар. Кызганычка каршы, кичке якта (18:30) авыр хәлдәге пассажирларның берсе дә вафат булган дигән хәбәр килгән, дип яза Камскоустьинские новости. 

ЮХИДИ кисәтә: хәзерге вакытта республика юлларында көчле кар ява, тайгак. 

Юл хәрәкәте кагыйдәләрен төгәл үтәгез. Тайгак юлда бик сак булыгыз, үзегезне һәм якыннарыгызны саклагыз!