Аз хәрәкәтләнү яшьләрдә инсульт куркынычын арттыра

Яшьләрдә инсультның төп провокаторы дип табиблар нәселдәнлекне билгели. Аларның сүзләренчә, якын туганнарда, бигрәк тә ана ягыннан, инфаркт, гипертония, аритмия һәм йөрәк-кан тамырлары системасының башка авырулары диагнозы куелса, куркыныч артканнан арта дигәнне аңалата.

Инсультның икенче төп сәбәбе булып исә хәрәкәт җитмәү тора. “Гел утырып эшләү яки аз хәрәкәтләнү кан әйләнеше бозылуга китерә, бигрәк тә аякларда. Моның аркасында кан әйләнеше системасы аша баш миенә эләгәчәк тромблар барлыкка килү куркынычы сизелерлек дәрәҗәдә арта”,– дип аңлата белгечләр.

Шулай ук тәмәке тарту, энергетик, спиртлы эчемлекләр, наркотик һәм фармакологик препаратларны чамадан тыш куллану кебек зарарлы гадәтләр дә инсульт куркынычын арттыра. Йөрәк-кан тамырлары системасының сәламәтлеге өчен симерү һәм шикәр чире дә куркыныч, дип өсти табиблар.