Алсу һәм Азат Фазлыевларның туе мәктәп спорт залында узган

- 1 декабрьдә өйләнешүебезгә 8 ел булды. Туебыз шуның белән истә калган: бик салкын көн иде ул, әле җитмәсә, Балтачтан Әтнәгә барганда, машиналарыбыз да батып бетте. Яшьлек белән аңлашмаганбыз инде. Туебызны Зөфәр Харисов алып барды. Бик күп артист дусларыбыз чакырулы иде. Туй бик тиз узды, безнең туй иң яхшысы булып тоелды. Өйләнешкәндә, икебез дә студент идек, акча да юк. Шуңа күрә мәҗлесне Азатның туган авылында мәктәп спорт залында үткәрдек. Быел 1 декабрьдә «Банкет банкетчиков» дигән бәйрәмгә бардык, шуңа күрә өйдә артык әзерләнмәдем дә, - ди Алсу.