#Шоу-бизнес 20 май 2024, 17:26

“Дустың өчен дога кылсаң, фәрештәләр дога кылучыга да шуны ук теләп торыр”, яки ике җырчы лотереядә отканнар

20 май 2024, 17:26

Марат Галимов белән Марсель Вәгыйзовка бәхет елмайган. Ике җырчы да лотереядә катнашып, җиңеп чыкканнар. Ресторан ачканда Марат та, Марсель дә бәхетләрен сынап карарга булган.

Скопировать ссылку

“Дустың өчен дога кылсаң, фәрештәләр дога кылучыга да шуны ук теләп торыр”, яки ике җырчы лотереядә отканнар

– Иң беренче бәхетле билет миңа чыкты. Чәчәк ботагы җиңдем. Ә Марсель 4 еллык эмиз запасы отты. Мине дә сыйлыйм дип сүз бирде. Көтәм-көтәм, юк әле (көлә), – ди Марат.
– Марат догасы белән җиңдем. Намаз укырга тыныч күңел белән төшеп киттем, гомеремдә бернәрсә дә бушка алганым юк, барыбер җиңмим дим уйладым. Без намаздан менгәнче Маратның билеты чыккан, бүләккә чәчәк бирделәр. Бүләкләр уйнату дәвам итте, ике еллык эмиз запасына хуҗа эзләгәндә Марат догаларын укый башлады. “Марсельгә чыкса ярар иде”, – ди. Өч еллык запаны уйнатып җиңүче исемен әйтер алдыннан Марат: “Марсель Вәгыйзов!” – дип кычкырды. Алып баручы: “Юк инде, монда башка кешенең исеме”,– ди. 4 еллык запасны уйнатканда лотерея билетын алып бетергәнче үк: “Марсель Вәгыйзов!” – дип кычкырды. Чыннан да, туры килде бит. 4 еллык запас эмиз оттым. Исламда шундый әйбер бар бит: “Дустың өчен дога кылсаң, фәрештәләр дога кылучыга да шуны ук теләп торыр”, – диләр. Әлегә Марат эмиз отмады әле, әмма мин аның белән бүлешәчәкмен, – дип сөйләде җырчы.

Фото: https://rais.tatarstan.ru/

Кызыклы яңалыкларны күзәтеп бару өчен безнең МАХ каналына кушылыгыз.

Язмага реакция белдерегез

Реакция язылган инде

Комментарийлар

Илнур

0

0

Ислам динендә лотерея кебек отышлы уеннар уйнау тыелган. Болар ничек догалар кылып, лотерея уйнатып ятканнар соң? Әгәр бу шәригать тарафыннан рөхсәт ителгән төр лотерея булса, ягъни билетлар акчага сатып алынмаган булса, бу хакта авторлар искәртеп үтәргә тиеш, халыкны ялгыштырмас өчен. Чөнки гади халык моны укып лотереяның барлык төре дә хәләл дип аңлаячак.