Фазлыевлар кызларына кем дип дәшкәннәрен ачыкладык

Хәбәр итүебезчә, 21нче июнь көнне Фазлыевлар өченче тапкыр әти-әни булды. Хәзер алар күпбалалы гаилә статусына ия.

Алсу да, Азат та, бәби дә әлеге вакытта балалар табу йортында. Азаттан күпләр "Син анда нишлисең?" дип сорыйлар икән.

- Алсу "кесарево сечение"дан соң. 2 көн яткан җиреннән бик тормады, авыррак булды. Шуңа күрә мин аның янында, бәбине мин карыйм. Икебезне дә ашаталар, икебезгә аерым меню. Ашауга караганда мин бала тапканга күбрәк охшаганмын. Язылучыларым шулай дип көлә. Балалар табу йортында әйбәт шартлар, Аллага шөкер.

Балага "кызым" дип дәшергә өйрәнеп китә алмыйбыз. "Улым, ай, кызым" дип эндәшәбез. Малайлардан соң гел "улым"га тел борыла. Кыз бала бөтенләй башка төрле инде, шундый тәмле. Исни-исни аңымны югалта язам.

Исемгә килгәндә, әлегә төгәл вариант юк. 3-4 исем арасында сайланабыз. Бүген-иртәгә хәл итәргә иде. Сез дә ярдәм итә аласыз!