16+

Тәтишка: «“Ришат үлдеме әллә?” – дип сорадым»

Ришат Фазлыйәхмәтов әле күптән түгел генә хастаханәдән чыкты. Аны Милли премия сәхнәсендә күргәч, күзгә күренә, ахры дип торабыз.

Тәтишка: «“Ришат үлдеме әллә?” – дип сорадым»

Ришат Фазлыйәхмәтов әле күптән түгел генә хастаханәдән чыкты. Аны Милли премия сәхнәсендә күргәч, күзгә күренә, ахры дип торабыз.

Ришатның “больничные” озакка сузылмады. Шулай да, аның кисәк кенә авырып китүенең сәбәпләре бар. Ришатның тормыш иптәше Эльмира безгә бу хәлнең тулы тарихын сөйләде.

– Ришат өчен бик катлаулы ел булды бу. Ул бик көчле кеше, күп әйберне тамашачыга сөйләп тә булмый. Ришатның хастаханәгә эләгү тарихы Уфада узган “Татар җыры” фестиваленнән үк башлана. Ул һәрвакыт үзе белән ике костюм йөртә: сәхнәдә чыгыш ясар өчен һәм банкетта җырлар өчен. Бу юлы да шулай булды. Ришат сәхнәдә җырлады, мин видео төшердем. Чыгыштан соң, әйберләрне тиз генә җыйдык та, Казанга ашыктык. Өйгә кайткач, костюмның бер элементы югалганлыгы ачыкланды. Ришат белән бөтен җирне тагын бер кат карап чыктык, тапмадык. Ә Ришат бик төгәл кеше, һәр костюмын энәсеннән җебенә кадәр тикшерә. Чыгыш вакытында бизәнү бүлмәсе ачык калган иде, бәлки, кемдер махсус та эшләгәндер моны. Минем беркемне дә гаеплисем килми, тик костюмга дип махсус ясалган элемент берничек тә төшеп кала алмый. Костюмны чехолда түгел, ә сумкада йөртәбез. 

– Бәлки, ялгыш кына алганнардыр?
– Нәрсә уйларга да белмим. Тик бу хәл бары Ришатка начарлык теләгәннәрнең эше.  13 ел сәхнәдә чыгыш ясау тарихында беренче тапкыр аңлашылмаучанлык килеп чыкты. 

Реклама

– Концертлар белән нәрсә булды соң?
– Продюсерлык үзәге белән бәхәс килеп чыкты. Әлегә бу хакта сөйләргә әзер түгел, чөнки барысы да хәл ителеп бетмәде. Эшләдек әйбәт кенә һәм шул концертларны оештыручылар юк булды. Бу хәлне суд юлына басмыйча гына хәл итәсе килә. Андый продюсерлык үзәкләре эшләргә тиеш түгел. Алар артистны күтәрми, ә киресенчә, дәрәҗәсен төшерә. Күпме концертлар планлаштырган идек. Ришат аның өчен дә бик нык борчылды. 

– Ришат аңын югалткан көн турында сөйләгез әле.
– Иремнең йөрәге таза. Ул беркайчан да авырмый. Эссе мунча ярата, мин андый температурага түзә алмыйм. Көн саен суган ашый. “Иң мөһиме – сәламәтлек”, - дип кабатлый. Бу көнне Казанда өйдә идек. Кинәт Ришатның куллары калтырый башлады. Тыны кысылды. “Хәзер су эчеп киләм”, - дигән иде... Егылды. Ярый әле мин андый хәлдә нәрсә эшләргә кирәк икәнен беләм (Эльмира элек эчке эшләр министрлыгында хезмәт иткән). Тизрәк ашыгыч ярдәм чакырттым. Ришатны янга бордым. Суламый, беләсеңме, суламый! Ашыгыч ярдәм карап та тормады, тизрәк хастаханәгә алып китте. Мин шок хәлендә, күздән яшьләр агыла. Ришат "шоковый"да ярты сәгать үткәрде. Табиб киемнәрен кулыма тоттырды. “Ришат үлдеме әллә?” – дип сорадым, котым алынды. Реанимациягә алып киттеләр, чөнки Ришат аңына килмәде. Табиблар бу хәлнең сәбәбе - борчылулар, стабиль йокы булмау, стресс, дип аңлатты. Алар белән сөйләшеп, Ришатны аерым палатага күчердем. Йөрәге дә сау-сәламәт, барысы да яхшы бит.

– Без бит күптән түгел күрештек, бу хәлне ишеткәч, ышанмадым...
– Минем дә ышанасы килмәде. Тик без иртәгә нәрсә буласын әйтә алмыйбыз шул. Ришатның бәхетенә ул вакытта өйдә мин идем. Ришат бит авылга да бер үзе кайтып китә, ә анда килеп чыкса... Хастаханәдән соң, Ришат үзгәрде. Әйтерсең, теге дөньяга барып кайтты. Ул болай да бик көчле кеше, хәзер тагын да көчлерәк. “Минем бу дөньяда эшлисе эшләрем күп әле”, - ди.
Ришатка һәм аның тормыш иптәше Эльмирага сабырлык һәм ныклы сәламәтлек теләп калабыз. 
 

Язмага реакция белдерегез

22

0

2

0

0

Реакция язылган инде

Комментарийлар

  • аватар Без имени

    0

    0

    Саламэт бул, Ришат. Бик яратам җырларны

    • аватар Без имени

      0

      0

      Әле дә ярый Резеда апа сразу сизеп алды һәм шушыисостояниедән чыгарды

      • аватар Без имени

        0

        0

        Нинди суз ул татишка,противно слышать! Повзрослей, очнись, неужели родители ничего не говорят!

        Мөһим

        loading