Вадим Захаров: “Кайгыдан әле дә айнып булмый”
Кукмара районының Пчеловод авылы егете, Татарстанның атказанган артисты Вадим Захаров гаять үзенчәлекле шәхес. Бер карашка, ул бик серле, тыйнак. Әмма шул ук вакытта ачык күңелле, юмор хисле кеше. Әңгәмәбез дә бер сулышта узды.
Кукмара районының Пчеловод авылы егете, Татарстанның атказанган артисты Вадим Захаров гаять үзенчәлекле шәхес. Бер карашка, ул бик серле, тыйнак. Әмма шул ук вакытта ачык күңелле, юмор хисле кеше. Әңгәмәбез дә бер сулышта узды.
– Вадим, бу ел сиңа зур сынау алып килде, газиз әниең мәрхүм булды...
– Бу кайгыдан әле дә айнып булмый... Әнигә 57 яшь иде. Быелның 21 мартында китеп барды. Әни мин белгәннән бирле кан басымыннан интекте. Аннары яман чир белән авырый башлады. Кызганыч, берничек тә булыша алмадык. Хәле әйбәт сыман иде, гел тикшеренеп торды. Уйламаганда китереп бәрде, үзе дә аңламыйча калды. Бер хастаханәдән икенчесенә күчерделәр, операцияләр кичерде. Аннан бер ай бездә яшәде, табиблар өйгә дә килеп карады. Хатыным Ларисага рәхмәт, һәрвакыт таяныч булды. Сеңлем дә, әти дә гел янәшә булдылар. Без шатлыкта гына түгел, кайгыда да бердәм. Таныш табиблар булу әнинең гомерен аз гына булса да озайтырга ярдәм итте. Әмма икенче яктан, тилмереп ятуы да кызганыч күренеш иде...
– Чирләгәндә, үлем турында әйткәне булдымы?
– Үләм дә димәде, яшим дә димәде. Бер тапкыр гына: “И, улым, очарга иде һаваларга”, – диде. Шуннан соң ул темага бер сүз дә әйтмәде.
– Соңгы сулышын алганда янында идеңме?
– Юк, әмма мин авылда идем. Барыбыз да өйдә идек. Хәле авырайгач, ашыгыч ярдәм чакырттык. Әни аңын җуеп алды. “Әни киткәндә, янында булмасам гына ярар иде”, – дип теләдем. Ничек үлгәнен күрәсем килмәде. Иң көчле укол кирәк дигәч, Кукмарага чыгып чаптым. Хастаханәгә бардым, рецепт язганнарын көттем. Аннан даруханәгә киттем, анда рецептын дөрес язмаганнар дип, кире бордылар. “Әни үлә бит”, – дисәм дә бирмәделәр. Хастаханәгә табиб бүлмәсенә керүгә, сеңлем шалтыратып әнинең киткәнен хәбәр итте.
Әңгәмәнең тулы вариантын "Шәһри Казан. Язмыш" газетасының бүгенге санында укыгыз. Сату нокталарында сорагыз.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Язмалар
Блогер Рамилә Антонова: «Язылучыларым минем белән бергә иремне көтә...»
-
#Җәмгыять
Олы бәйрәм: Бөек Җиңүнең 81 еллыгына багышланган тантаналы чаралар
-
#Кыскача яңалыклар
Казанда җылыту сезонын 7 майда тәмамларга планлаштыралар
-
#Кыскача яңалыклар
Авыл хатын-кызларына – 200 меңгә кадәр: Татарстанда түләүләрне арттырырга җыеналар
-
#Авыл
“Сенаж – 300 мең”: авыл хуҗалыгында чыгымнар арта, табыш кими
Комментарийлар
4
0
Авыр туфрагы жинел булсын, урыны жэннэт турлэрендэ булсын.
0
0
2
0
Бик ачык, простой кеше. Бу елны су коенганда курергэ насыйп булды узен. Кайбер жырчылар кебек "я кто" дип масаеп йорми. Узебез кебек гади👍
0
0
0
1
Минем энием эйтэ иде,кызым мин улгэч,мине карама,исэн килеш куз алдында булыйм,узем дэ карамыйм мин, дия иде. Менэ ул кон житте.....Укереп елыйм,эни зур якта ята,берэр сэгатьтэн эни янга кердем,битен карамадым,гэудэсен карадым....Хэзер менэ яткан килеш энием куз алдымда тора... ник карадым... Вадимга,якыннарына сабырлык телим,бик иртэ киткэн шул энисе...
0
0
1
0
Бик авыр хэл,энине югалтудан да авыры юк инде..ЭНИ бит ул... Урыны ожмахта булсын,авыр туфрагы жинел,карангы гуре якты булсын. Вадимны бик хормэт итэм,якыннан белмэсэм дэ,гадилеге куренеп торы.Калганырыбызга исэнлек-саулык бирсен...Сабырлык,бары сабырлык телим Вадимга
0
0