#Сорау-җавап 25 август 2019, 12:00

Юлчы намазын ничек укырга тиеш?

25 август 2019, 12:00

Мосафир кешегә намазның фарызын гына укырга ярый. Сәфәр хәлендә булганда гына шулай укыргамы, әллә барып җиткән урында да намазның фарызын гына укыйсы буламы?

Скопировать ссылку

Әмәт бистәсе мәчете имам хатибы Равил хәзрәт Бикбаев:
– Мосафир ул – 15 көннән азрак вакытка дип кимендә 90-100 чакрым ераклыкка киткән кеше. Ислам динендә сәфәр кылучыга төрле җиңеллекләр бирелгән. Әйтик, ураза тотмаса да ярый. Намазын кыскартып укырга тиеш, ягъни дүрт рәкәгатьле намазны ике рәкәгать итеп укый. Ашыккан вакытта сөннәт намазларны укымаса да була. Вакыты иркен һәм урыны җайлы булганда исә фарызларын кыскартып, сөннәт намазларын гадәттәгечә укый.

фото - pixabay.com

Кызыклы яңалыкларны күзәтеп бару өчен безнең МАХ каналына кушылыгыз.

#намаз тәртибе #юлчы