Бал кортлары капканы да саклый

Бразилиянең «Понте Прета» һәм «Атлетико Сорокаба» командалары арасындагы футбол матчы чак кына бал кортлары гаебе белән өзелми кала. Бал кортлары өере капканың аркылы борысына җыелып, капкачыга үз урынына басарга комачаулык итә. Килеп туган вазгыять бары махсус хезмәтләр чакырылгач кына уңай хәл ителә. Коткаручыларга бал кортларының бер өлешен капчыкка тутырырга, калганнарын яндырып, шул урынны химик состав белән эшкәртергә туры килә. Шуннан соң гына уенны тыныч күңел белән дәвам итә алалар.