Бер үк суга ике тапкыр кермиләр

Мәшһүр йөзүче, күпсанлы рекордлар авторы Майкл Фелпс Лондон Олимпиадасыннан соң спортчы карьерасын тәмамлавын игълан иткән иде. Ул кире уйламавын тагын бер кат җиткерде. Кабат йөзүгә кайтырга уйламыйм. Профессиональ спортта гаҗәеп карьера ясавым белән горурланам, әмма инде мин барлык хыялларыма ирештем, кире кайтудан мәгънә күрмим, ди ул. Фелпс күпсанлы дөнья рекордлары авторы булудан тыш, замана спорты сәхифәсенә Олимпия уеннарында 18 алтын медаль яулаган йөзүче булып та кереп калды.