Вәгъдәләшкән хоккейчы егет озак кына алка кертә алмады

Хоккейчы Александр Овечкин 2013 елның тормышында зур үзгәрешләр елы буласын яңа елның беренче көнендә үк хәбәр итеп куйган иде. НХЛ «йолдыз»ы танылган теннисчы Мария Кириленко белән вәгъдәләшүләрен Тwitterында хәбәр итте. Тик бу шатлыклы вакыйганы голлары белән генә озак билгеләп үтә алмады Ови. Овечкин капитанлык иткән «Вашитгтон» локауттан соңгы старт матчларын уңышсыз уздырды. Бер-бер артлы җиңелүләр кабатланып торды. Моның төп сәбәбе тренерларның Овечкинны элекке позициясеннән һөҗүмнең уң флангына күчерүендә булган икән. Аны элекке позициясенә күчерү белән, хоккейчы беренче җиңүен дә яулады.