Болгарда Мәүлид бәйрәменә багышланган чара үткәрелә

Мәүлид бәйрәмен Татарстан Мөселманнары диния нәзарәте оештыра.

2014 елның 23 декаб­рендә мөселман календаре буенча өченче ай - рәбигыль-әүвәл ае башланды. Аны халыкта Мәүлид ае дип йөртәләр. Сөекле Пәйгамбәребезнең туган көне рәбигыль-әүвәл аеның 12 нче көненә туры килә. Ул айда мәчетләрдә Пәйгамбәребез турында вәгазьләр укыла, мөселманнар өйләрендә мәҗлесләр үткәрәләр, мохтаҗларга ярдәм итәләр, сәдакалар өләшәләр.

Сүз уңаеннан, 2 гыйнвардән Казан - Болгар - Казан даими автобус маршруты ачыла. Авто­буслар һәр шимбә һәм якшәмбе көннәрендә йөреячәк. Казаннан «Столичный» автовокзалыннан 8:40 сәгатьтә, «Южный» автовокзалыннан 9.00дә кузгалып китсә, Болгардан кайту юлына 16.00дә чыгалар. Исегезгә төшерәбез, 2-11 гыйнвар аралыгында автобуслар көн саен йөреячәк. Авто­буста Казаннан Болгарга бару бәясе - 310 сум.

Шундый ук рейслар Свияжск утравына да җибәрелә. Анысының бәясе - 150 сум. Билет ияләре Болгар һәм Свияжскидагы музейларга ташламалар белән керә ала.

^{Фото: president.tatarstan.ru}