Минтимер Шәймиев: “Татарстан күрсәткечләре өчен югары бәя республикабыз өчен горурлану хисләре уята”.

Бер көн элек, Владимир Путин белән Миңнеханов арасында булган очрашу нәтиҗәләренә Дәүләт киңәшчесе әнә шулай дип аңлатма бирде. Россия Президенты Татарстан күрсәткечләрен илдә иң яхшыларыннан дип бәяләде.

- Биш ел элек без бөтен илгә хакимият белән цивилизацияле идарә итү үрнәген күрсәттек. Мин киткәч, Рөстәм Миңнеханов байракны үз кулына алды. Без барыбыз да күреп торабыз, республика көннән көн алга бара. Рөстәм Миңнеханов беренче срокка сайланган вакытта ук үзен күрсәтә алды. Аның күп кенә перспективалы уйлары, теләкләре бар һәм, иң мөһиме, аларны чынга ашыру өчен тәвәкәллеге җитәрлек,- диде Минтимер Шәймиев.

^{Фото: Регина Хабибуллина ("Татар-информ")}