#Төрлесе 24 май 2025, 15:15

Каената хатынын өйдән куа

24 май 2025, 15:15

Исәнмесез, хөрмәтле редакция. Бездәге гыйбрәт хәлләрне сезгә дә язасы килде.

Скопировать ссылку

Исәнмесез, хөрмәтле редакция. Бездәге гыйбрәт хәлләрне сезгә дә язасы килде.

Каенатам каенанам белән аерылышып, башка хатынга өйләнергә җыена. Алар каенатаның өйләнешкәнче алган фатирында яшәгәнгә күрә, ул каенанага әйберләрен җыеп өйдән чыгып китәргә кушкан.

Каената аңа яшәү урынын табарга бер ай вакыт биргән. Каенана исә кыл да селкетмәде, чөнки безгә килергә тели, янәсе, башка барыр җире юк. Ә мин каршы. Без ипотекага алган ике бүлмәле фатирда яшибез. Аны алыр өчен алсыз-ялсыз эшләдек, тир түгеп акча җыйдык. Мин ике сменада эшләдем, ирем ике эштә бил бөкте. Үз әниләрем дә акчалата ярдәм итте. Балабыз тугач, ниһаять, фатирлы булдык. Хәзер балага 9 ай, мин декрет ялында.

Каенанага 47 яшь. “Кая барыйм мин? Фатир арендалап тора алмыйм, акчам җитмәячәк. Яки сез түләп торыгыз”, - ди. Безнең андый мөмкинлек юк. Ипотека түлибез, машина кредитта. Әлегә ирем үзе генә эшли. Ә каенана теләгән фатир ул эшли торган мәктәп янында, ягъни Яңа Савин районында, яхшы ремонт белән булырга тиеш. Ул мәктәптә укытучы һәм директор урынбасары булып эшли. Моңа кадәр хезмәт хакы белән гел мактанды, чит илләрдә ял итте. Ә хәзер фатир арендасына түләргә акчасы юк, имеш.

Ирем бер ай яшәп карасын, аннары үзе туячак ул, ди. Ышанмыйм, бер килсә, китә белмәс. Нервыларымны ашаячак. Каенанам беренче көннән үк мине яратмады, чөнки мин башка диндә. Мине кимсетеп нинди генә сүзләр әйтмәде. Бала тапкач, улына ДНК ясатырга кушты. Имеш, бала аныкы түгел. Катнаш никахтан тугач, кызымны пычрак диде. Ул оныгын бар дип тә белми, үз гомерендә аны 3 тапкыр күрде. Бала тудыру йортына каршы алырга да килмәде. Каенанам мине күрә алмый, ә үзе безнең белән яшәргә җыена. Аның бездә хәтта бер ай да яшәвен теләмим. Нишләргә икән?

Алинә Р.

Кызыклы яңалыкларны күзәтеп бару өчен безнең МАХ каналына кушылыгыз.