Казанда ачык һавада беренче шугалак ачылды

Стадионның администраторы Рәисә Мөхәммәтова "ШК"га сөйләгәнчә, «Хезмәт резервлары» шугалагы - Идел буенда быел беренче тапкыр ачылган ачык һавадагы шугалак.

- Шугалак астыннан бозның даими температурасын тотып торучы 77 чакрым трубалар уза, махсус суыта торган станциясе бар. Боз температурасы анда, урамда җылы һава торышы торуга карамастан, 14 градус салкынлыкны күрсәтә, - ди ул.

Эш көннәрендә шугалак сәгать 17.30дан 21.00гә кадәр, ялларда һәм бәйрәм көннәрендә 12.00дән 22.00гә кадәр эшли.
- Калган сәгатьләргә анда тимераякта шуучылар килә. Алар өчен шугалакта 400 метр диаметрлы түгәрәк эшләнгән. Спорт мәктәбендә укучылар монда килеп шөгыльләнә, күнекмәләрен уздыра, - ди Рәисә Мөхәммәтова.

Шугалакта прокатка тимераяклар да тәкъдим ителә. Бер сәгатькә арендага тимераяк алу 120 сумга төшә. Үз тимераягың булса, 60 сум калдырасы була. 7 яшькә кадәрге балалар белән ветераннар бушка керә.

- Стадионда күңелле, утлар яктыртыла, музыка уйный. Кышны сагынучылар кичә үк килеп шуып киттеләр инде. Сездә озакламагыз, килегез, - дип шугалакка чакырды безне стадион администраторы.