Быел шикәр күп булачак
Татарстанда шикәр чөгендере уңышы 3 миллион тоннадан арткан.
Татарстанда шикәр чөгендере уңышы 3 миллион тоннадан арткан.
Татарстан хөкүмәт йортында узган киңәшмәдә Татарстан авыл хуҗалыгы һәм азык-төлек министры Марат Әхмәтов шулай дип хәбәр итте.
Министр сүзләренчә, шикәр чөгендере уңышын җыю республикада соңгы гектарларда бара.
– Республика чөгендер игү тарихында беренче тапкыр 3 миллион тонна чиген уздык. Ә берничә ел элек без 2 миллион тонна уңыш җыю турында хыяллана идек, – диде Марат Әхмәтов.
Шикәр чөгендере җыю эше унике районда төгәлләнгән. Иң югары гектар уңышы Актаныш районында – 518 центнер.
Министр киңәшмәдә хуҗалыкларда кукуруз уру эшенең актив баруын да билгеләп үтте. 240 мең гектардан 180 мең гектары урылган, шуның 12,4 мең гектары бөртеккә. Тулаем бөртек уңышы 45 мең тонна, уңыш гектардан 36,3 центнер чыккан. Республикада 500 мең гектардан артык көзге культуралар чәчелгән, 2 миллион гектар сөрүлек җиренең 1,8 миллион гектары эшкәртелгән, дип язалар Татарстан авыл хуҗалыгы һәм азык-төлек министрлыгы сайтында.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар