Рөстәм Миңнеханов: "Үзегезне һәм якыннарыгызны саклагыз"
Татарстан Президенты Рөстәм Миңнеханов бүген Хөкүмәт йортында узган киңәшмәдә коронавируска каршы көрәш буенча оператив штаб эшчәнлеген яңартырга боерды. Президент үз чыгышында санитар-эпидемиологик таләпләрне катгый үтәргә һәм ковидка каршы вакцина ясатуны активлаштырырга чакырды. Бу хакта республика җитәкчесенең матбугат хезмәте хәбәр итә.
Татарстан Президенты Рөстәм Миңнеханов бүген Хөкүмәт йортында узган киңәшмәдә коронавируска каршы көрәш буенча оператив штаб эшчәнлеген яңартырга боерды. Президент үз чыгышында санитар-эпидемиологик таләпләрне катгый үтәргә һәм ковидка каршы вакцина ясатуны активлаштырырга чакырды. Бу хакта республика җитәкчесенең матбугат хезмәте хәбәр итә.
Кызганычка каршы, инде бетә-бетә дип торганда, коронавирус белән авыручылар саны янә кискен рәвештә арта башлады. Әйтик, бүгенге мәгълүматлар буенча узган тәүлектә республикада 176 кешедә ковид ачыкланган. Татарстан Президенты барлык хезмәт коллективлары җитәкчеләренә мөрәҗәгать итеп, санитар-эпидемиологик таләпләрне үтәргә, шул исәптән битлек кию режимын да контрольгә алырга кушты. "Үзегезне һәм якыннарыгызны саклагыз", - диде Миңнеханов үз чыгышында.
Стопкоронавирус.рф порталы мәгълүматларыннан күренгәнчә, Татарстанда коронавирус инфекциясен йоктыручылар саны арта. Бүген 176 (кичә 160 иде) шундый очрак ачыкланган. 97 пациент (кичә – 110) хастаханәгә озатылган.
2022 елның 27 августына булган мәгълүматлар буенча, пандемия башланганнан алып республикада коронавирус инфекциясенең 156 418 очрагы ачыкланган, 150 758 кеше (шуларның 39ы – узган тәүлектә) терелгән.
Төбәктә соңгы тәүлектә коронавирустан үлем-китем очрагы теркәлмәгән. Татарстанда барлыгы 2000 кеше ковид корбаны булган, соңгы шундый очрак моннан бер көн элек теркәлгән.
Росстат мәгълүматлары буенча, илнең төрле төбәкләрендә теркәлгән һәм теркәлмәгән үлем-китем очраклары арасында аерма күзәтелә. 2022 елның июнендә Россиядә коронавирустан 4981 кеше вафат булган, 3693 кешедә ул үлемнең төп яки фаразланган төп сәбәбе дип табылган.
Комментарийлар