#Җәмгыять 16 май 2013, 08:46

«Бибарс Сарай» кунак көтә

16 май 2013, 08:46

18 майда сәгать 12.00дә «Бибарс Сарай»ның ачык ишекләр көне үткәрелә. Кунакларны 40тан артык актер һәм аниматорлар катнашындагы яңартылган театр программасы белән сөендерәчәкләр. Аларны татар халкы тарихында эз калдырган шәхесләр - Сөембикә-ханбикә, бөек шагыйрьләребез Мөхәммәдьяр һәм Кол Гали, Хуҗа Насретдин һ.б. каршы ала.

Скопировать ссылку

Килгән кунакларның бистә тормышында катнашу мөмкинлеге дә булачак: балчыктан савыт ясау, истәлеккә акча сугу, музыка коралларында уйнау, татар милләтенең зур бәйрәме булган Сабантуйда үз көчеңне сынап карау һ.б. Шуны да искәртеп үтәргә кирәк: «Бибарс Сарай»да алкоголь эчү һәм тәмәке тарту тыела. Монда зурлар да, кечкенәләр дә ялларын файдалы итеп үткәрә алачак. Балалар өчен махсус программа да булдырылган: татар киеменнән киенгән аниматорлар аларның да күңелен күрәчәк.
Театр программасы бары татар телендә алып барыла.

Кызыклы яңалыкларны күзәтеп бару өчен безнең МАХ каналына кушылыгыз.

#250