Машина йөртү таныклыгы алу өчен медицина тикшерүен кайда узарга?

Тиздән машина йөртү танык­лыгы алырга җыенам. Моның өчен медицина тикшерүе узарга кирәк. Белгечләрдән тиз арада белешмә алу өчен, Казанда ышанычлы, законлы медицина тикшерүе узу урыннарын әйтсәгез иде.

Айрат Низамов, Казан.

ЮХИДИ өчен кирәкле медицина тикшерүен теркәлү урыны буенча сырхауханәдә дә узарга була. Наркологтан белешмәне Сеченов урамында 6нчы йортта урнашкан Республика наркология диспансерыннан алырга кирәк. Психиатр тикшерүен Бутлеров урамы 41нче йорт яки Гагарин урамы 77а йорты адреслары буенча урнашкан диспансер-сырхауханә бүлекләрендә узарга мөмкин.