#Җәмгыять 20 сентябрь 2023, 15:38

Татарстан цифрлы технологияләр белән Россиянең киләчәген ныгыта

20 сентябрь 2023, 15:38

Казанда 20-22 сентябрьләрдә “Казан Экспо” халыкара күргәзмәләр үзәгендә Kazan Digital Week халыкара форумы эшли.

Скопировать ссылку

Татарстан цифрлы технологияләр белән Россиянең киләчәген ныгыта

Казанда 20-22 сентябрьләрдә “Казан Экспо” халыкара күргәзмәләр үзәгендә Kazan Digital Week халыкара форумы эшли.

Ул быел федераль дәрәҗәдә үткәрелә. Чарада БДБ һәм Ислам хезмәттәшлеге илләреннән—барлыгы 31 илдән 5,7 мең кеше катнаша. Мисал өчен, Казахстан, Кыргызстан, Үзбәкстан, Төркия, Иран, Абхазия, Бразилия, Индонезия, Нигерия, Әзәрбайҗан, Япония, Кытай, Вьетнам, Канада, Берләшкән Гарәп Әмирлекләре, Армениядән килгәннәр. Digital Week – инглиз телендә “цифрлы атна” дигән мәгънәне аңлата.

Россия Премьер – министры Михаил Мишустин видеоэлемтә буенча мөрәҗәгать белән чыкты.

— Казандагы форум әһәмиятле вакыйга, фәнни-техник аралашуда нәтиҗәле мәйдан. Цифрлы технологияләр һәр тармакка үтеп керергә тиеш. Микроэлектрониканы, роботлар төзелешен үстерергә кирәк, моның өчен бездә фәнни җирлек бар. Россиядә технологияләрдә чит ил технологияләренә алмаш булдыру зарур, җитештерүчеләргә дәүләттән ярдәм күрсәтелә. Россиядә 820 мең программачы эшли,- дип әйтеп үтте Михаил Мишустин.

Президент Владимир Путин кушуы һәм башлангычы буенча илебездә “Цифрлы икътисад” илкүләм проекты гамәлгә ашырыла. Михаил Мишустин әлеге проектны искәртеп, “Казандагы форумда яңгыраган идеяләр Владимир Путин куйган бурычларны хәл итәргә булышыр”, диде.

Россиянең цифрлы үсеш министры Максуд Шадаев үзенең чыгышында Россия Хөкүмәтенең цифрлы технологияләрне үстерүгә нык әһәмият бирүен, Татарстанның цифрлаштыруда әйдаман булуын әйтте.

— Россия Президенты Владимир Путин цифрлы технологияләрдә мөстәкыйльлеккә ирешү бурычы куйды. Татарстанда өч IT-парк бар, аларда 614 компания эшчәнлек алып бара. Республикадагы 8 районда муниципаль IT-парклар ачылды, мондый парклар һәр муниципалитетта булдырылырга тиеш. Лаешта һәм Биектауда югары технологияләр сәнәгать мәйданнары эшли. Пилотсыз “КамАЗ”лар Санкт-Петербургтан Мәскәүгә йөкләр ташый башлады. Без республикада 2024 елны- Фәнни-технологик үсеш елы, дип игълан иттек ,- диде Татарстан Рәисе Рөстәм Миңнеханов.

Форум кысаларында 20-23 сентябрьләрдә “Казан Экспо”да цифрлы технологияләр өлкәсендә V нче Тармак чемпионаты үткәрелә. Предприятиеләрдән, югары һәм урта уку йортларыннан 338 хезмәткәр белән студент цифрлы технологияләргә караган 30 белгечлектә үзләренең осталыкларын күрсәтә. Татарстан Рәисе Рөстәм Миңнеханов әйткәнчә, чемпионат белән 10 мең студент һәм мәктәп укучысы экскурсиягә килеп танышачак. 20 сентябрьдә дә йөзләгән студент һәм укучы роботлар төзелеше, шулай ук башка цифрлы технологияләр белән танышты. Шулай ук 20 компания катнашында цифрлы технологияләр күргәзмәсе эшли.

Кызыклы яңалыкларны күзәтеп бару өчен Т елеграмга кушылыгыз.

‹ ›