Җәвит Шакиров «Башваткыч»тан ник китә?

Җәвит Шакиров телефонны «Шакиров слушает» дип алды. Күренеп тора, кәефе шәп!

- Хәлләр яхшы, Аллага шөкер. Барыбыз да исән-сау. Оныгыбыз Самирага 2 яшь тә дүрт ай булды. Чабабыз да чабабыз.

Яңа ел кәефе сизелә. Инде 28 ел аны гаилә белән өйдә каршылыйбыз. 12дән соң туганнарга, дусларга чыгып китәргә мөмкинбез. Табынны Зөлфия белән бергә әзерлибез. Ул нәрсә куша, мин шуны карусыз башкарам.

Яңа елдан соң «Башваткыч» тапшыруында үзгәрешләр булачак. Мин ул тапшыруда булмаячакмын, яшьләргә юл бирергә кирәк, дилбегәне алар кулына тапшырам. Яраткан тамашачым мине башка тапшыруда күрә алачак.