Тәмәке уты гына димә...

Атна башында Менделеевск районы Гунин урамында урнашкан шәхси агач йортта берьюлы дүрт кеше янгын корбаны булган. 76 һәм 50 яшьлек ике хатын-кыз да, 54 һәм 38 яшьлек ике ир-ат та шушы йортта яшәгәннәр. Мәрхүмнәрнең беркайда да эшләмәве, исерткеч эчемлекләр белән мавыгуы билгеле.
Ашыгыч рәвештә килеп җиткән янгын сүндерү командасы 20 минут эчендә утны туктаткан. Тик мәрхүмнәрне генә коткарып кала алмаганнар. Фаҗига вакытында алар йоклаган булганнар.
Янгын сүндерелмәгән тәмәке төпчегеннән чыккан, дип фаразлана.