Шәһри Казан

Дөнья матур, дөнья киң

Дөнья искиткеч гүзәл, дип чын-чынлап әйтергә мөмкиннәр Балык Бистәсе районының Фәтхерахман Әхмәдиев исемендәге балалар сәнгать мәктәбендә ачылган күргәзмәләр белән хозурланучылар.

Реклама

Беренче күргәзмәдә танылган һәм хөрмәткә ия булган кеше, ТР прокуроры Кафил Әмировның фото эшләре - гаҗәеп матур пейзажлары урын алса, икенчесендә - сынлы сәнгать һәм дизайн бүлеге студентларының эшләре. Күргәзмәләр КФУның филология һәм сәнгать институты белән Балалар сәнгать мәктәбе хезмәттәшлеге кысаларында оештырылган. Әлеге ике уку йорты арасындагы үзара килешү беренче чиратта талантлы яшьләрне эзләүгә юнәлтелгән.
Сәнгать сөючеләр күргәзмәне инде 8 ноябрьдә үк карый алды - ул шул көнне ачылды. Күргәзмә залына килүчеләр арасында район кунаклары - сынлы сәнгать һәм дизайн кафедрасы доцентлары Юлиана Еманова, Рада Сәлахова һәм институтның башка укытучыларыннан тыш, район мәгариф бүлеге хезмәткәрләре, мәктәп укытучылары, музейда, прокуратурада, администрациядә эшләүчеләр һ.б. бар иде. Аларның барысын да район башлыгы Илһам Вәлиев сәламләде.
Педагогика фәннәре кандидаты, сынлы сәнгать һәм дизайн кафедрасы доценты Юлиана Еманова фоторәссам Кафил Әмировның иҗатына карата үз карашын белдерде. Аны ул, табигать һәм кешене бербөтен буларак үзара бәйләнештә тоярга мәҗбүр итә торган үзенчәлекле төрдә эшләүче философ һәм лирик, дип атады. Фотокүргәзмәнең «Ак сагыш» дип исемләнүе дә юкка гына түгелдер. Рада Сәлахова исә интерьер, кием, декоратив-гамәли сәнгать дизайнындагы яңа юнәлешләр турында сөйләп узды һәм студентларның кайбер эшләренә карата үз фикерен белдерде.
Үткәрелгән чара районның мәдәни тормышында истәлекле һәм якты вакыйга булып кереп калды. Ә күргәзмә әле 30 ноябрьгә кадәр дәвам итәчәк.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 21 апрель 2018 - 08:56
    Янгын чыга калса, ничек исән калырга?
    Кемеровода булган фаҗигадән соң күпләр яшәеш мәгънәсе турында уйлана, ваемсызлыктан арынып, тормышы иминлеге турында кайгырта башлады. Безнең өчен бу бер гыйбрәт булды.
    68
    0
    0
Ночной режим