Шәһри Казан

«Мин бүген юләрләр йортында буласы идем...»

Такташның Алсуыдай «үзе көлә, үзе сөйкемле» дигән юлларга туры килә торган бер ханымны беләм мин. Бар инде рәхәт кешеләр дисең, аның белән бер аралашканнан соң! «Алсу, син ирләрдә генә түгел, хатын-кызларда да кызыксыну уята торган серле хатын-кыз, карап торышка синең барысы да ал да гөл кебек», - дидем аңа берсендә.

- Әй җаным, мин күргәннәрнең йөрәккә алмый, өстәнрәк, төбенә төшмичә генә яшәргә өйрәнмәсәм, бүген юләрләр йортында булыр идем инде... Эшләр шуңа килеп терәлә язган иде бит... - дип сөйләп китте ул. - Мин тормышның төбеннән күтәрелдем. Гомер буе тартучым да, ярдәм итүчем дә булмады. Әнине ике бала белән әти ташлап киткәндә, миңа алты яшь иде. Ул көнне хәтерлим: әни, илереп, тәгәри-тәгәри елады, мал чала торган бауны алып, мунчага кереп китте. Әти дә көчкә ача торган мунча ишеген сеңлем белән төя-төя елаганны ишетеп кергән күршеләр әнине баудан төшерде.
Шул көннән минем әтисез генә түгел, әнисез дә тормышым башланды. Көннәр буе гел уйланып йөргән әни, хәсрәтен җиңеләйтү өчен, эчүгә сабышты. Әтине шулкадәр яраткан булса кирәк, сагышларын шуның ярдәмендә куып таратырга тырышты. Хәзер булса, безне балалар йортына илтеп тапшырган булырлар иде. Күрше-тирә бик миһербанлы иде, ач-ялангач булмадык. Әти-әниле ике ятимә кыз булып үсеп җиттек. Әнине күпме оялтырга, акылга утыртырга тырышып карасак та, барып чыкмады. Хәзер сөйләве генә җиңел, ул вакытта бик гарьләнә идем. Мәктәп эскәмиясеннән бергә дуслашып йөргән яраткан егетем бар иде. Чыгарылыш кичәсендә минекеннән башка бөтен кешенең әти-әнисе килде. Егетемнең әнисе мәктәптә завуч иде. Гел «бишле»ләрдә генә торган аттестатымны тапшырганда, кулымны кысты да: «Ярый, моңа кадәр сүз әйтмәдем, беренче һәм соңгы әйтүем: мин исерек Ниса кызы өчен ул үстермәдем...» - диде.

Бәйрәм итү мәҗлесенә калып тормадым, икенче көнне Казанның бер институтына документларымны тапшырдым да яңа тормыш башладым. Авылда сигезенче сыйныфта укучы сеңлемне укытып бетерергә һәм үземә дә яшәү өчен акча кирәк иде. Хәзер генә эш эзләүчегә чат саен белдерү, ул вакытта эш табу бик җиңелләрдән түгел иде. Бер йортта идән юучы итеп алдылар мине. Шулай итеп көндез укыйм, кич подъезд җыештырам, акчаны урталай бүләм дә сеңлемә җибәрәм. Өченче курска кадәр шулай эшләдем. Мин җыештыра торган йортка армиядән бер егет кайтты. Озын буйлы, чибәр... Беркөнне, шаяртып, швабрамны тартып алды да: «Миңа кияүгә чыкмасаң, бирмим», - диде. Шул көннән без аралаша башладык. Очраша башлавыбызга ун ай дигәндә, язылышып, бергә яши башладык, туйлар ясамадык. Тормышны җиңел генә кабул итүче, кулга ансат кына шуып керә торган акча турында хыялланган ир дигәнем уен автоматларына ияләште. Башта автомеханик булып эшләп йөргән иде дә, бераздан бөтенләй шул автоматларга ияләшеп, эшен ташлап, кайтып кермәс булды. Улыбыз тугач, әти кеше безне бала тудыру йортыннан да килеп алмады...

Мин бала һәм йорт эшләре белән мәшгуль идем. Кич үзебез яшәгән йорт подъездын юдым. Соң кайтуына ияләшелгән иремнең атнасына өч кенә көн өйгә кайтуы гадәти күренешкә әйләнде. Мин икенчегә көмәнле икәнемне белдем. Каенанам мине дә, үзен дә кызганды булса кирәк: «Бала бик татлы да бит, тик кечкенә чакта гына. Иреңнең бетеп барганын үзең күреп торасың, ике бала белән нишләрсең? Миңа өметләнмә, үз хәлем хәл. Бер баланы ничек тә үстереп була», - диде. Баланы төшерткәннән соң өзлегеп аңсыз яткан вакытымда «Ашыгыч ярдәм» чакыртасы урында сумкамнан соңгы тиеннәремне урлап алып чыгып киткән ир белән алга таба яшәп торуның мәгънәсе юк иде. Мин аңардан киттем. Аерылышуыбызга бер ел дигәндә, ирем наркотикларны күп кулланудан якты дөньядан китеп барды...

Ә миңа яшәргә кирәк иде. Баланы балалар бакчасына урнаштырып, укуымны тәмамлап, укытучы дипломы алдым. Тик мәктәпләрдә хезмәт хакы бик аз булганлыктан, косметика сата торган бер фирмага эшкә урнаштым. Көндез анда эшлим, кич идән юам. Балам да, үзем дә туйганчы ашау, фатир өчен түләрлек акча эшләү зур бәхет иде минем өчен. Тыныч һәм тук тормышымнан мин шундый канәгать идем. Ниһаять, мин көткән көн килде дип куанып, Ходайга рәхмәт укыдым.
Авырлыклар белән күп сынадым, бераз җиңеллеген дә бирим диде булса кирәк язмыш. Минем тормышның гаҗәеп могҗизалар этабы башланды.
Яңа ел корпоративында хезмәттәшләр белән бәйрәм иткәндә, безнең Мәскәү белән сөйләшүләрне алып баручы иң мөһим кешебез, дип, бер ир-ат белән таныштырдылар. Аның йөзе миңа таныш төсле тоелса да, исемә төшерә алмадым, ә ул мине таныган булып чыкты. Бәйрәм азагында: «Сез хәзер кайда яшисез, безнең йорттан күченеп киттегез бугай», - дигәч шаккаттым. Ул минем иремнең сыйныфташы булып чыкты! Үткәннәрне искә алып сөйләшеп утырганда, өйләнеп ике баласы барлыгын, бер ел элек яман шештән хатыны дөньядан киткәнлеген белдем...

Берничә тапкыр очрашуга чакырып сөйләшеп утыргач, ул, кыенсынып тормый гына: «Син дә, мин дә бала-чага түгел инде, әйдә бергә кушылыйк. Мин сине электән ошатып йөри идем. Айрат миннән өлгеррәк булып чыкты, син безнең йортта идән юып йөргән вакытта, оялчанлыгым аркасында, килеп танышырга кыенсынган идем», - димәсенме! Әлбәттә, мин ризалаштым. Инде без дүрт ел бергә... Ниһаять, тулы бәхетнең ни икәнен аңладым! Уртак балабыз булуын телибез. Эко ясаттык, ике малай диделәр...
Хатын-кыз дүрт нәрсәне исендә тотарга тиеш.

Беренчедән, үпкәләмәскә. Бөтен авыру һәм зәхмәтләр шуннан башлана. Берара мин бөтен дөньяга үпкәле идем - әтигә, әнигә, иремә, яшьли сөйгән ярымның әнисенә. Бервакыт шулай тулдым, депрессиягә бирелеп, чирлегә сабыша яздым. Бераз шулай йөрсәм, түбәм китеп юләрләр йортына эләгергә дә күп калмаган иде.

Икенчедән, көнләшмәскә. Кешенеке беркайчан да сиңа булмаячак. Нерв авырулары шуннан килеп чыга. Яшьтәш танышларым, синең буй-сының да үзгәрми, картаймыйсың да, диләр. Тормыш мине һәрчак тонуста тота һәм мин башкалар бәхетеннән көнләшмим, киресенчә, шатланам гына!

Реклама

Өченчедән, рәхмәтле булырга. Хәтта авырлыклар китергән кешегә, һәрбер сынауга рәхмәт әйтә белергә кирәк. Чөнки аларны кичермичә, чын бәхетнең тәмен тоеп булмаска мөмкин. Тормышым көйләнә башлагач, Ходайга гел рәхмәт укып йөрдем. Ул минем рәхмәтемә тагын да күбрәк нигъмәтен һәм рәхәтен өеп бирде: безнең зур, тату гаиләбез, үз бизнесыбыз, өебез, машинабыз - бар нәрсәбез дә бар.

Дүртенчедән, һәр гамәлең бумеранг икәнен онытмаска. Кылган яхшылык та, яманлык та, йөрәкне рәнҗетеп әйтелгән сүзләр дә - һәммәсе иясенә әйләнеп кайта. Мине улына тиң күрмәгән завучның улы шәһәрдән эчкече гаиләсеннән кыз алды.


Фамилиясен күрсәтмәскә кушты ул. Бары, Алсу, диде. Үзе көләч, үзе сөйкемле, бер проблемасы да юк шикелле...

Теги: 250
Нравится
Поделиться:
Реклама
Комментарии (0)
  • 25 февраля 2018 в 15:12
    Әнгам Атнабаев шигырьләре Әнгам Атнабаев: «Менә шулай» Көн дә иртән «Великая Русь» дип, Уяталар урыс чаңнары… Менә тагын урыс кышы җитте, Көрәп ява урыс карлары.
    70
    0
    1
  • 25 февраля 2018 в 12:22
    Татарларда туй йолалары Татарларда – туй иң зур гаилә бәйрәме. Байлар, урта хәллеләр турында әйтеп тә торасы юк, хәтта ярлылар да, үз якыннарын кунак итәр өчен, соңгы тиенен дә кызганмыйлар. Шундый затлы мәҗлестә миңа иң кадерле кунак сыйфатында түрдә утырырга туры килде.
    74
    0
    2
  • 25 февраля 2018 в 10:35
    Агросәнәгать паркының беренчесе Зәйдә булачак Татарстан Президенты үзенең еллык юлламасында районнарда агросәнәгать паркларын булдыру турында әйткән иде. Әлеге мәсьәләдә нинди яңалыклар бар икән? Беренче парклар кайда ачылачак? Илнур Абдуллин, Биектау.
    62
    0
    0
  • 25 февраля 2018 в 09:12
    Без русчаны татар теле аша өйрәндек Без мәктәптә фәннәрне татарча укыдык. Әлки районының Төгәлбай авылында 1930 елларда колхозлар оешкач, беренче мәктәп ачыла. Югары белемле мөгаллим Сөнгатулла Муллинны әле дә хәтерлим. Мәктәптән тыш, теләгән кешеләрне ул кичләрен җыеп укырга өйрәтә иде. Мин 1945 елда беренче сыйныфка кердем. 
    58
    0
    0
  • 24 февраля 2018 в 18:43
    Салават Фәтхетдинов: “Туган якны сагынып елый идем” “Армиядә хезмәт итеңме?” – дигән сорау мине һәрчак кыен хәлдә калдыра, чөнки мин “стройбатта”, акча эшләп яттым.
    255
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    209
    0
    2
  • 24 февраля 2018 в 13:14
    330
    0
    4
  • 24 февраля 2018 в 12:09
    Уяну Бу тарихны безгә алкоголизмнан дәваланган ханым сөйләде. 
    199
    0
    2
  • 24 февраля 2018 в 11:08
    Помидорның ниндиен сайларга? Баллы помидорлар (черри сортлары): Бусинка, Сладкий фонтан, Волшебная арфа, Черри Ира, Чезаре (F1 гибридлы сортлар).
    214
    0
    1
  • 24 февраля 2018 в 10:05
    Акыллы кеше аздан гына да бәхетле, ә ахмакка һәрвакыт җитми Иҗат – гүзәл гамь ул, иң югары дәрәҗәдәге изге тынгысызлык ул.  Хәсән Туфан.
    94
    0
    0
  • 24 февраля 2018 в 05:11
    Сәламәтлек комбинаты урынында нәрсә булачак? Шәһәр уртасында бөтен кеше яратып йөргән Сәламәтлек комбинатын җир белән тигезләп куйдылар. Хәзер ул урынны койма белән уратып алганнар. Монда нәрсә булачак икән? Берәр сәүдә күңел ачу үзәге төзергә уйлыйлармы, әллә комбинатны яңартачаклармы?  Сөләйман Шакиров, Казан.
    157
    0
    0
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    382
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    487
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    879
    0
    2
  • 25 февраля 2018 в 16:08
    Сине бар да “яратачак”, алтын медаль алмасаң
    Җилдән җитез унбиш яшьлек кыз бала катлаулы элементлар ясап, боз өстенә бизәкләр төшереп, миллионлаган спорт сөючене шатландырып чыгыш ясаганда тыныч күңел белән карап утырып буламыни ул! Бу бит беренче, күптән көтелгән алтын, аяк чалучылар корган киртәләрне ватып-җимереп  күпләрнең авызын томалар өчен җавап!
    388
    0
    6