Шәһри Казан

Бәрәскәдә сыерлар да чәчәк арасыннан йөри

Мәктәптә акча эшләп буламы? Бер ун-унбиш ел элек бу сорау бик сәер яңгырар иде, мөгаен. Ә бүген барыбыз да акча эшләргә өйрәнеп киләбез бугай. Авыл җирлегендәге мәдәният йортларына, китапханәләргә дә акча табу планы куелган. Мәдәният йортлары акчага дискотека ясый, концертлар куя, китапханәләр исә, ксерокүчермә ясап булса да, казнага акча кертергә...

Ә менә мәктәпләрнең акча табу мәсьәләсендә мөмкинлекләре күбрәк. Әлбәттә, кул кушырып, зарланып утырсаң, әллә кая китә алмыйсың, шулай да тырышканда була. Моны ничек эшләргә кирәклеген үз күзләрем белән күреп кайту ниятеннән, Әтнә районының Бәрәскә авылына юл тоттым. Исәп - мәктәпнең эшчәнлеге белән танышу.
Бәрәскәгә җиткәч, мәктәп урамын бутап, ялгыш юлдан кереп киткәнмен, әй сөендем дә инде бу ялгышым өчен. Туры гына барсам, авылның бар матурлыгын күреп бетерә алмас идем. Авыл исә бик матур, төзек йортлар, ике яклап яшел чирәм һәм чәчәкләр... Аларны киртәләп тә алмаганнар, көтү кайда йөри диген. Соңыннан сорап белдем: ни хикмәт, сыерлар да шушыннан уза икән, ә менә чәчәкләргә зыян салмыйлар. Монда бар дан-шөһрәтне Бәрәскәнең сыерларына гына яудырып булмас, гөлләрнең исән-сау калуы урамның киңлегенә бәйледер. Авыл урамы, чыннан да, бик иркен.
Авылны өйрәнеп бетереп, мәктәп ишегалдына кергәч, чәчәк диңгезенә үк чумдым, тик озакка түгел. Мәктәп директоры Аида Фатыйхова, эшлекле ханым буларак, мине хуҗалык эшләре белән таныштырырга ашыкты.
- Без үткән ел Авыл хуҗалыгы министрлыгының 100 меңлек грантын откан идек, - дип сөйләп китте ул. - Менә шул акчага 54 меңлек ике теплица алып кордык. Аңа кадәр «Ленин» күмәк хуҗалыгы ярдәме белән ясалган ике теплицабыз бар иде. Бу дүрт теплица безгә бераз акча тупларга мөмкинлек бирде. Иң элек кыяр саттык, аннан соң чәчәк үсентеләре. Бераздан помидорларыбыз җитеште. Анысын да авыл халкы бик теләп сатып алды. Кибеткә кайтарылганы кайдан килгән, ничек үстерелә - анысын беркем белми. Монда бар да күз алдында: кыярын да, кызарган помидорын да үзләре белән бергә җыябыз. Инде менә кыярның икенче каты өлгереп килә, монысы - үзебезнең мәктәп укучыларына. Алла боерса, яңадан ике ай кыяр ашый алачаклар.
- Акчаны кая куясыз? - дип, ревизордан да болайрак булып сорау бирергә ашыгам.
- Әле Авыл хуҗалыгы министрлыгыннан калган акчабыз да бар. Менә шуңа яшелчә саткан акчаларны кушып, зур булмаган берәр техника алсак дип исәпләп торабыз. Мәктәп укучылары кими бара, ә җирне эшкәртергә кирәк.
Бәрәскәдә менә шундый хәлләр. Бер мәктәп бакчасының уңышыннан ничаклы игелек. Мәктәпнең техник базасы да ныгыган, авыл халкы да кинәнгән, урамнар да гөлгә күмелгән.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 22 апрель 2018 - 09:15
    Үрнәк йорт нинди була? 
    Сезнең үрнәк йорт күргәнегез бармы? Аны нинди дип күз алдына китерәсез? Ул башкалардан нәрсәсе белән аерыла да, аңа гына хас нинди үзенчәлекләре бар? Без дә шушы сорауларыбызга җавап табарга дип, Казанның Ямашев урамындагы 74нче йортка юл алдык, чөнки әлеге йортны барып күрергә җитди сәбәп бар иде. Узган атнада аңа рәсми рәвештә «үрнәк йорт» (дом образцового содержания) статусы бирелде.
    41
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13286
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1064
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    485
    0
    0
Ночной режим