Кулдан ясалган бу могҗиза - дусларым Әлфия һәм Илнур Әхмәтҗановларның иҗат җимеше. Арча педагогия көллиятен тәмамлап, Чабаксар каласында эшлиләр алар. Җәйләрен Чуашстанның Козловка районының Әлмән авылына кайтып җиләк-җимеш, яшелчәсен үстерәләр. Илнур - Балтач егете. Балтач кешесе тимердән чәчәк ясый диләр иде, дөрес икән. Йортын, мунчасын салып, гаҗәп патшалык булдырган бу...
Кулдан ясалган бу могҗиза - дусларым Әлфия һәм Илнур Әхмәтҗановларның иҗат җимеше. Арча педагогия көллиятен тәмамлап, Чабаксар каласында эшлиләр алар. Җәйләрен Чуашстанның Козловка районының Әлмән авылына кайтып җиләк-җимеш, яшелчәсен үстерәләр. Илнур - Балтач егете. Балтач кешесе тимердән чәчәк ясый диләр иде, дөрес икән. Йортын, мунчасын салып, гаҗәп патшалык булдырган бу «алтын куллы» кеше - әлмәнлеләрнең хөрмәтен яулаган кияү. Күрше-күлән дә аларга киңәш белән керә. Илнур белән Әлфия яшь тал чыбыгыннан чәчәк кәрзине үреп куйганнар, күр син! Бакчада бу кәрзин җәен-көзен чәчәктә утыра! Агач төбендәге гөмбәләрне әйт тагын. Кулдан ясалган әлеге фантазия күңелне иркәли, яшәргә рух өсти. Күңел матурлыгы шулай бакчаларында да чагыла. Яшәсәң, менә шулай матур итеп яшәргә кирәк шул - кешелекле, миһербанлы булып, һәр нәрсәдә матурлык-гүзәллек табып!
Иң мөһим һәм кызыклы язмаларны Татмедиа Telegram-каналында укыгыз
