Шәһри Казан

Хатынымның хыянәт итүен телим

Тормышым башкаларныкы кебек түгел. Ә бит барысы да матур гына башланган иде...

Хатыным миннән дүрт яшькә кечерәк. Аның чибәрлеген әйтеп аңлатырлык түгел. Ул буй-сын дисеңме... Бер кашык балга манып йотарлык! 

Без өч ел элек эштә таныштык. Мин инде зур белгеч идем, ә ул безгә эшкә урнашты. Бер күрүдән ошаттым үзен. Үлеп гашыйк булдым. Аның тышкы кыяфәте генә түгел, эчке дөньясы да матур иде. Аңа күз атучылар аз булмады, тик мин барысыннан да җитезрәк булып чыктым. Артыннан озак йөртмәде, тәкъдимемне кабул итте дә өйләнештек.

Шулай итеп, без матур гаилә булып яши башладык. Еш кына чит илләргә йөрдек, дөнья гиздек, ял иттек. Бала турында хыялландык, әмма өлгермәдек. Мин юл һәлакәтенә очрадым, умыртка сөягем сынды. Гомерлеккә инвалид булып калдым. Гәүдәнең аскы өлешен бөтенләй тоймыйм. Инвалид коляскасында хәрәкәт итәм.
Хатыным – таянычым һәрвакыт минем белән булды. Хастаханәдә ятканда да көне-төне саклады, янымнан китмәде. Өйгә кайткач та, гел янәшмдә булды. Эшеннән китмәде, билгеле. Әмма ярты ставкага күчте. Шуңа күрә күп вакытын минем белән үткәрә. Мин дә, аз гына файдам булсын дип, өйдән дизайн-проектлар эшли башладым. Сәнгать мәктәбен тәмамлавымның кирәге чыкты. Кыскасы, ипилек, тозлык булса да акча эшли алам.

Тик чибәр, яшь хатынымның җенси мөнәсәбәтләрсез яшәвенә күңелем әрни. Үземә урын таба алмыйм. Үземне гаепле итеп хис итәм. Аңа бала табырга, бәхетле булырга кирәк. Ул мине – ярым ярты кешене саклап гомерен үткәрә. Бу хакта үзенә күп тапкырлар әйткәнем булды. “Калдыр мине, кияүгә чыгып бәхетле бул”, – дидем. Ләкин ул ишетергә дә теләми.

Реклама

Беркөнне сөяркә табырга тәкъдим иттем. “Йә булмаса, берәрсе белән таныш та, бер-ике көн очраш”, – дидем. Ә ул бу сүзләрем өчен битемә сукты. Аннары кичкә кадәр сөйләшмичә йөрде. Аның кебек чибәр кызга мондый мөнәсәбәттән башка яшәргә ярамый. Ул бит гөл кебек сулачак!

Әлбәттә, мин хатыныма чиксез рәхмәтлемен. Ул, чын мәгънәсендә, изге кеше. Хәзерге заманда хатын-кызлар бөркет сыман таза-сау ирләре өстеннән дә йөри. Ә минеке андый түгел, ул тугры, артыгы белән яхшы шул ул. Мин аны өзелеп яратам. Хәтта хәзер дә күземә яшьләр килә...

Әгәр хатынымның очрашып йөргән кешесе булса, мин моңа сөенәчәкмен. Ничек кенә авыр булса да... Әгәр миннән китәргә теләми икән, китмәсен, яшәсен. Тик аның баласыз калуын да теләмим. Моны үзенә ничек аңлатырга? Мин аны балалы да, бәхетле дә итә алмаячакмын...

Тимур М.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (9)
Осталось символов:
  • 9 декабрь 2022 - 21:58
    Без имени
    1 җавап бн бик килешэм. Аллаһе тагалэ кодрәтле, алла боерса аякка басырсыз. Хиянэтне кичерэ алмассыз. Юкка этэрмэгез хатыныгызны.
  • 16 октябрь 2022 - 12:30
    Без имени
    Ходай бэлки сине аякка бастырыр, битэрлэмэ балакаем узенне, алла боерса барда яхшы булыр, нишлэтэсен язмыштан узмыш юк дилэр, ахры хэерле булсын. Кай берэулэр бар жире сэламэт, эмма исерек, бер тиенгэ яраксыз, бер суз сойлэшеп булмый торган, тэртипсез эдамнэргэ сабыр итеп гомерлэрен уздыралар. Э син алай уйлама, хиянэт ул бик авыр, хурлыклы хэсрэт. Аны уз башыннан уздырган кеше генэ анлый, аны онытыпта, гафу итептэ булмый.
  • 16 октябрь 2022 - 12:01
    Без имени
    Авария умыртка багансына тугел,баш миегезгэ дэ зыян китергэн бугай.Эчке доньясы матур булган,Аллаһтан омете булган кеше син телэгэн белэн генэ икенче торле була алмый.Икегез очен Аллаһ Тәгалә тарафыннан жибэрелгэн зур сынау ул.Хатынына кирэкмэгэн кинэшлэр биргэнче,ана да узенэ дэ куркэм сабырлык,бэрэкэтле гомер,исэнлек сора.Кайсы ягы хэерле шул булсын дип,уз телендэ,чын кунеленнэн дога кыл.Баланы Аллаһ бируче,тиеш дип санаса,юлын курсэтер.Андый яхшы хатын тап иттергэн икэн,димэк изгелеген булган.Хатынының кадрен бел,барысы да яхшы булыр,ометенне эзмэ.
  • 16 октябрь 2022 - 11:36
    Без имени
    Борчылмагыз! Хатын-кыз ярата икән, җенси тормышсыз да яши ала. Әбиләребез ирләре сугыштан кайтмагач, кубесе яшьли тол калган, кияүгә чыкмаган. Аллаһы Тәгалә үзе белүче, күруче. Мин дә ирем белән дүрт ел гына яшәп калдым ир белән хатын буларак. Утыз елдан артык тәрбияләдем бала урынына. Хыянәт турында башыма да кереп чыкмады. Хәзер дә миңа чит ирләр кирәкми. Башка сүз әйтмәгез аңа. Үзе хәл итсен.
  • 7 апрель 2022 - 09:23
    Без имени
    Барысыда эйбат булыр анын тугрылыгы Аллахтан аны этармагез ул эшка болай да донья пычракка баткан сабыр тобе Сары Алтын ???✊✊✊✊✊✊✊
  • 7 апрель 2022 - 00:24
    Без имени
    Хатыныгыз өчен ник решать итәсез, аңламыйм. Сезнең янда калуны узе сайлаган бит. Сез аның бала табуын телим дигәнсез. Бәлки ул башка фикердәдер.
  • 2 декабрь 2021 - 13:46
    Без имени
    Эко,самый оптимальный вариант,не пожалеете,попробуйте
  • 19 октябрь 2021 - 08:28
    Без имени
    Именно хыянать итеп кенә бала табарга мени.эко бар.
  • 16 октябрь 2021 - 14:35
    Без имени
    Можно же на ЭКО идти вам