Кичер мине, Әнисәм! Белмәдем бит кадерен! Белмәдем!
02 ноября 2021,
13:02
Уку өчен 2 минут
Хатыным бу дөньядан китеп барганга инде шактый еллар узса да, күңелемдә ул әле дә исән килеш саклана. Аны искә алмаган бер көнем дә юк.
Скопировать ссылку
Хатыным бу дөньядан китеп барганга инде шактый еллар узса да, күңелемдә ул әле дә исән килеш саклана. Аны искә алмаган бер көнем дә юк.
Мине танышларым, туганнарым коры, усал кеше дип белә. Бәлки чынлап та шундыймындыр. Әмма Әнисәмне искә төшерә торган җырлар тыңлаганда, ике яңагымнан яшь бөртекләре тәгәри.
Белмәдем бит кадерен! Белмәдем! Югыйсә, матурлыгы да, уңганлыгы да бар иде. Янымдагы бәхет кошының кадерен белмичә, башка хатыннарга күз салдым, дөресрәге чит хатыннар белән чуалдым. Ходайның миңа карата җәзасы каты булды: бәхет кошым кайтмас җиргә очып китте.
Шундый җитез кеше иде инде ул Әнисә! Әллә җитезлеге, әллә үтүкнең төзексезлеге харап иткән аны: үтүк чыбыгын алам дигәндә, ток суккан. Әйе, бәлки гаеп миндәдер: өйдә төзәтәсе әйберләрне карау урынына гаиләдән читтә йөргәнмен бит.
Хушлашып та, яратуым хакында исенә төшереп тә өлгермәдем бит... Ә балалар! Бигрәк тә кечкенәсе – өч яшьлек улыбыз “әни” дип өзгәләнде бит. Төннәрен дә елап уянып, гел әнисен чакыра иде. Әнисә исән чагында, малай аның итәгенә генә ябышып йөрде, һич артыннан калмады. Сабый күңеле әнисен югалтасын сизенгән, күрәсең...
Торып карадым мин башка хатыннар белән. Тик берсе дә Әнисәгә җитә алмасын аңладым. Балаларны да берүзем үстереп, берүзем аякка бастырдым. Үги әни барыбер үги булыр иде.
Мин инде картлыкка таба атлаучы ир-ат. Ялгыз яшәргә өйрәндем, күндем. Тик Әнисәм генә исемә төшә дә, күңелем моң-сагышка урала. Кичер мине, Әнисәм, кичер! Исән чагыңда кадереңне белмәвем өчен кичер!
Хәмит,
Казан.
Фото: https://pixabay.com
Кызыклы яңалыкларны күзәтеп бару өчен Вконтактега кушылыгыз.
Вход на сайт
Язмага реакция белдерегез
Мөһим
-
#Җәмгыять
Бурычың 30 мең сумнан артса, чит илгә чыгу чикләнә
-
#Язмыш
Венера һәм Тәлгат Кәримовлар гаиләсе: 50 елдан артык гаиләне саклауның сере нидә?
-
#Кыскача яңалыклар
Самосыровода этләре хатын-кызга ташланган промбаза башлыгы суд каршына басачак
-
#Кыскача яңалыклар
Дәүләт Думасында оныклар тәрбияләгән өчен пенсия баллары исәпләргә тәкъдим иткәннәр
-
#Кыскача яңалыклар
Башка җиргә күченү пенсия күләменә йогынты ясаячакмы?
loading
Комментарийлар
5
1
0
Баштан кадерен белмисез, аннан каберен кочып елыйсыз...
0
0
1
0
Безда андыйлар га эйталар пожардан сон... Насос дип башта хатыннарын кешега санламыйча кеше хатынын янына чабаларда аннан укеналар башта уйларга кирак алдагы конне.
0
0
1
0
Исэн чагында белергэ иде кадерен, укенудэн файда юк шул
0
0
4
0
Исэн булса да хаман гулять итэр иден элэ, энисэнен рэхэт курэсе юк иде
0
0
0
0
Кутенэ утсен
0
0