Шәһри Казан

Җил тегермәне ясаучы Искәндәр Зәйнуллин: «Киләчәктә аз гына җил искәннән дә күп энергия эшләп чыгара торган тегермән ясарга хыялланам»

Карагуҗа авылы урамында әллә каян күренеп торган тимер корылма - җил тегермәнен 62 яшьлек Искәндәр Зәйнуллин үзе ясаган.

Аны күрүгә, Шәүкәт Галиевнең балачактан телгә кереп калган шигыре искә төште:
«Җил тегермәне җилпенеп тора,
Бүрәнәләре селкенеп тора!»


Дөрес, Искәндәр абый бү­рәнә урынына тимер кулланган.
- Җиде ел элек үк тегермәннәр ясый башладым. Белгечлегем буенча мин - автоэлектрик. Техника, ут чыбыклары белән бәйле эшләр мине кечкенәдән кызыксындыра. Интернеттан карап, тәҗрибәмә таянып, җил тегермәне ясап карарга булдым, - ди үзе.

Аның ишегалдында төрле зурлыктагы өч тегермән тора. Иң биеге - 6 метр ярым. Һәр тегермән көненә уртача 300 ватт электр җитештерергә сәләтле икән. Бу бер телевизор, йокы бүлмәсен электр белән тәэмин итәргә җитә.

- Минем җил тегермәненең аккумуляторлары начаррак. Аннары хәзер җиле дә бик юк. Тирә-юньдә агачлыклар җилне тоткарлый, көне буе исеп торса, бөтен өйне тәэмин итәрлек электр җитештерер иде ул тегермәннәр. Менә киләчәктә аз гына җил искәннән дә күп энергия эшләп чыгара торган тегермән ясарга хыялланам. Хәзерге заманча технологияләр моны эшләргә мөмкинлек бирә, - ди Искәндәр абый.

Тегермән янындагы тагын бер гаҗәеп корылмага күз төште. Печән җыю җайланмасы икән. Зәйнуллиннарның 16 гектар җире бар. Алар анда печән үстерәләр. Шул печәнне җыяр өчен, Искәндәр абый кибеттән сатып алган җайланманы үзенә кирәгенчә җайлаштырган.
- Безнең җир каты, таш­лы. Кибет техникасының кайбер элементлары тимердән булса да, беренче елны ук сынып бетте. Уйладым-уйладым да, композит материалдан эшләнгән арматуралар сатып алып, җайланмага шуларны урнаштырдым. Алар чыдамрак булып чыкты, - ди оста.
Аның кебекләр турында «техника җене» кагылган, диләр. Элек ватылган электр техниканы төзәтүне, машина ремонтлауны сорап еш мөрәҗәгать итә торган булганнар.
- Үз машиналарымны гомер буе үзем төзәттем. Хәзер автомобильләрне мәҗбүри иминиятләштерәләр, ватыла калса, теләсә кемгә ачарга, ремонтларга ярамый, шуңа да автомобиль ремонтлатыр­га килүчеләр кимеде, - ди Искәндәр абый.

Реклама

Ул иртәнге өчтән инде аяк өстендә. Эше көне буе да бетми. Өйдә сирәк утыра, йә басуда, йә ишегалдында, йә бакчада, йә техникасы янында мәш килә. Тик торганы юк. Хатыны Рәмзия белән өч бала тәрбияләп үстергәннәр.

- Яшьләрне техника белән бик кызыктырып булмый. Безнең өйдә әле 1956 елда ук басылган «Мавыктыргыч физика» китаплары саклана. Шуларны укып та күп кенә нәрсәләргә өйрәндем. Мәктәптә укыган чакта ук математика фәнен бик ярата идем. Хәзер яшьләр китап укымый бит, югары уку йортын тәмамласалар да, гади генә мисалларны калькулятор ярдәмендә чишәләр. Телефоннары һәрчак кулда. Нәрсәнедер эшли башлар өчен, җитәрлек белем кирәк,- ди оста куллы әңгәмәдәшем.
Үзе бик тыйнак, аз сүзле, хәтта фотога да төшмәде.

Теги: 250
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    190
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    599
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    530
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    365
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    198
    0
    0
Ночной режим