Шәһри Казан

Сөн буеның ап-ак каеннары...

Әй, кайчак үз туган ягыңның да гүзәллеген күреп бетермисең инде. Актанышның Меңнәр авылына баргач та мин берара әсәренеп, гаҗәпсенеп тордым. Булса да була икән матур, нур йоккан чын татар авыллары. Урамнарында да, ихаталарында да төзеклек, буяу тимәгән, бизәк төшмәгән бер йорт, бер тәрәзә юк. Хан сарайлары түгел, әмма бар җирдән...

Реклама

Киртләчләп көрәлгән капка төпләренә, тымызык кына күккә күтәрелгән морҗа төтеннәренә биһуш булып атлый-атлый, балалар бакчасына килеп төртелгәнемне сизми дә калганмын. Балалар бакчасы ишегалды Казанныкылардан ким түгел, әй - шундый ук, кырыкмаса-кырык төрле спорт инвентаре белән мактанып, төрле төсләргә баеп утыра. Өч бала белән каршыма чыккан хатын-кызны тәрбияче дип уйлаган идем. Ул исә җәһәт кенә аңлатып та китте: «Бакчада эшлим эшләвен, әмма болары үземнеке: бусына - 6, боларына 3-4 яшь. Өч бала баламы инде ул? Минем әле өлкәннәре дә бар. Җәмгысы алтау.» Мин аларны, «әни, әни, әни», дип урам тутырып гөрләшә-гөрләшә баруларын күздән югалганчы озатып калдым. Күз генә тимәсен!.. Ә үземнең бит шушы авылга килен булып төшкән авылдашым, күптән түгел генә юбилеен бәйрәм иткән Фәнисә апаны эзләп килешем. «Яшь вакытта авылда калудан, колхозда эшләүдән котым чыга иде. Ә бәхетем нәкъ авылда, янәшәмдә көтеп торган икән», - дигән иде ул бер юлы. Аның Меңнәр авылында яшәвенә дә өч дистә елдан артып киткән икән инде.
- Алай да язмыш миннән акыллырак булып чыккан да, алай да авылда калдырган, дип шөкер итәм бүген, - дип көлә-көлә сүзен башлады Фәнисә апа Низамова, үзенең гомер юлына бәя биреп. - Мин 1962 елда, дүрт апам, бер абыемнан соң көтеп алынган, иң кечкенә апамнан соң алты ел аерма белән дөньяга килгән кыз. Яңа Әлем кызы. Университетка бер талпынуда керә алмадым да, беренче очраган трамвайга утырып, техник вуз ишеген шакыдым. Укуны тәмамлаганда, 27 яшьлек идем инде. Колхозга эшкә барасы килмәде. Әлем авылының балалар бакчасына эшкә урнаштым, соңрак Уразайда эшләдем. Әмма ул вакытта билгеләү дигән нәрсә бар иде. «Чишмә» колхозына зоотехник итеп эшкә чакырдылар. Әле дә хәтерлим: 26 март, беренче эш көнем. Ә минем колхозда эшлисе килмәвем итәк-чабуымнан коела-коела бара... Шөкер, бергә эшләүче белгечләр әйбәт булды. Озакламый зур «Чишмә»дән ике хуҗалык ясадылар. Соңрак хуҗалыклар кабат кире кушылды. Мин тиз арада икътисадчы һөнәрен үзләштердем дә, инде озак еллар колхозда шушы вазифаны башкарам.
- Сез бит инде бу вакытта ир хатыны?
- 1989 елда шушы авыл егетенә кияүгә чыктым. Бер кыз, бер малай алып кайттык. Хәзер улыбыз Алмазга - 23 яшь, Түбән Кама шәһәрендә яши, кызым Рамилә югары уку йортында белем алып йөри. Ирем колхозда механизатор булып эшли. Авылда икебез генә хәзер.
- Теге мәңге авылда яшәмәс идем, дигән уй кыбырсып алгаламыймы соң, Фәнисә апа?
- Син нәрсә, Меңнәрдән дә матуррак җир була аламы соң? Без бит әле шуның өстенә авыл читендә, Сөн ярында диярлек яшибез. Ә ярда кукраеп каеннар утыра. Язын ямь-яшел яфрак яруларын, көзен җете кызыл булып өлгергән ябалдашларының шәфәкъ баешында назланып утыруларын бер генә күр син! Төрле вакыт булгандыр - авылга кайтасы килмәгән вакытымны да уйлап алган чак була. Әмма мин бүген анык беләм - авылсыз яши алмыйм инде хәзер. Шәһәр ыгы-зыгысыннан Ходай сакласын. Мин - табигатем белән авыл баласы. Һәм шундый бәхет һәркемгә насыйп булуын теләр идем.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1153
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    543
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    401
    0
    0
Ночной режим