Шәһри Казан

Сыер асрап кына ерак китеп булмый

Олы Мәтәскә авылында яшәүче Камалиевлар гаиләсе инде күптән эшмәкәрлек белән шөгыльләнә. Авылда кибет тоталар, арадашчылык белән шөгыльләнәләр. Алар күктән бәхет иңгәнен көтеп ятарга күнекмәгән, үз тормышларын җайлар өчен төрле шөгыльләр табып кына торалар. Бүген авылны сыер асрап яки печән үстереп кенә яшәтеп булмый. Гөлназ һәм Мөнәвир Камалиевлар гаиләсе өйләре янәшәсендә...

Реклама

Әлбәттә, үрдәк фермасы буш урында тумаган. Әүвәл моның өчен миллион ярым сумлык грант алганнар. Дәүләт ярдәмен фермага реконструкция ясаганда, бәбкәләр сатып алганда һәм вак-төяккә файдаланганнар. Авылларда мондый төр эш юнәлешләре ачып җибәрү бары тик файдага гына. Авылдагы эш урыннары эшмәкәрлектән килгән салымнар - барысы да үсешкә китерә. Камалиевлар хакимияткә чиксез рәхмәтле. Аларның кодалавы аркасында дәүләт ярдәмен ота, үрдәк фермасын ачып җибәрә алганнар. Мондый аңлашу булганда, үзеннән-үзе эшлисе килә бит ул. Ул көннәрне искә алып, Мөнәвирнең әнисе Фәния апа:
- Район хакимиятеннән тәкъдим булгач, без дә, бизнес-проект төзеп, бәхетебезне сынап карарга булдык. Хыялларыбыз чынга ашты, дәүләт безгә акчалата ярдәм бирде. «Сез эшләп караган кешеләр, эшли беләсез, тәвәккәлләп карагыз әле», - дип күңелне үсендереп торганда, ничек тәвәккәлләмисең инде... Үзеннән-үзе эшлисе килә, - диде. Камалиевлар киләчәктә үстергән үрдәкләрен сата алырлармы? Фәния апа әйтүенчә, клиентларга кытлык бар икән, чөнки үрдәкне узган ел да үстереп караган булганнар. Үрдәк итенә караганда казныкы үтемлерәк ди. Алып сату, арадашчылыкның серен инде күптән үзләштергән Камалиевлар югалып калмаслар анысы, үрдәкләрен симертеп, уңышлы гына урнаштыру чарасын табарлар. Дуслары, даими партнерлары белән элемтәләре зур. Әнә гаилә дусларының берсе бүгеннән үк үрдәк йолкый торган машина биреп торырга вәгъдә итә.
Авылда эш юк дип халыкны тәмам пошаманга саласы юк. Ә бит төптәнрәк фикер йөртсәң, үзеңә кайда да шөгыль табарга була. Бөтен мәсьәлә әлеге эшне табышлы итә белүдә.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: