Шәһри Казан

Татарстанда мобилизациядән 10 меңгә якын авыл хуҗалыгы хезмәткәре бронь алырга мөмкин

Өлешчә мобилизация авыл хуҗалыгы тармагына да йогынты ясамый калмаган.  Татарстанның авыл хуҗалыгы һәм азык-төлек министры Марат Җәббаров сүзләренчә, бүгенге көндә 600 авыл хуҗалыгы сәнәгать комплексы үзенең хезмәткәрләренә бронь алган. Әлеге предприятиеләрдә 49 мең кеше эшли. 12 мең запастагы хезмәткәрнең 10 меңенә бронь бирелергә мөмкин.

–  Мобилизацияләнүчеләр урынына ашыгыч рәвештә башка хезмәткәрләр эзлибез. Критик вазгыять дип әйтә алмыйбыз. Бу хәлдән чыгу юлын табарга тиешбез. Эре хуҗалыклардан да, фермерлардан да мөрәҗәгатьләр килә. Әмма бездән тормый, – диде журналистлар белән очрашуда Татарстанның авыл хуҗалыгы һәм азык-төлек министры Марат Җәббаров. 

Министр сүзләренчә, бүгенге көндә 600 авыл хуҗалыгы сәнәгать комплексы үзенең хезмәткәрләренә бронь алган. Әлеге предприятиеләрдә 49 мең кеше эшли. 12 мең запастагы хезмәткәрнең 10 меңенә бронь бирелергә мөмкин.

Урып-җыю кампаниясенә йомгак ясап, кырлардан бөртеклеләр җыеп алынды, башлангыч мәгълүматлар буенча, 5 миллион 335 мең тонна ашлык суктырылды, дип белдерде Марат Җәббаров. 
Иң күп ашлык җитештерүче районнар: Арча, Тәтеш, Буа һәм Мөслим, Минзәлә. 
–  Дым җитәрлек булган булса, уңыш тагын да күбрәк буласы иде. Уңышка тәэсир итә торган башка факторлар да күп. Шуларның берсе – минераль ашламалар. Быел бер гектар мәйданга 74,4 кг ашлама кертелде. Шулай ук орлык сыйфаты да зур роль уйный. Элиталы орлык өлеше 38 процентны тәшкил итте, – диде министр. 

Реклама

Шикәр чөгендере уңышы да яхшы. Барысы 250 мең тонна шикәр җитештерелер дип көтелә. Шикәргә ихтыяҗ республикада уртача 100 мең тонна дип исәпләгәндә, 1,5 тапкырга күбрәк җитештереләчәк. 

4,6 мең гектар мәйданның 2,29 гектарыннан бәрәңге алынган. Уңышлылыгы – гектарына 301,4 центнер. Икенче икмәкне иң күбе Арчаның “Кырлай” агрофирмасы, Минзәләнең Дәүләтов фермер хуҗалыгы, Лаешның Нармонка хуҗалыгы җитештергән.   
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: