Су белән коендырып, катырып үтергәннәр

Нәкъ бу көнне аны Маутхаузен концлагеренда, салкын су белән коендырып, катырып үтергәннәр.Дмитрий Михайлович Карбышев 1880 елның 26 октябрендә Омск шәһәрендә туган. Ул Совет фортификаторы, күренекле галим-инженер, хәрби фәннәр докторы, Советлар Союзы герое. 1941 елның 8 августында Днепр районында чолганыштан чыкканда генерал Карбышев контузия алган һәм аңсыз хәлдә әсирлеккә төшкән. Ул фашистлар белән хезмәттәшлектән баш тарткан, әсирлектә актив каршылык күрсәтү чараларында катнашкан.65 яшьлек генералның рухы ныклыгына хәтта гитлерчылар да таң калган.

1945 елның февраль аенда генерал Карбышевны алга таба үз якларына авырштыруны мәгънәсез дип тапкан гитлерчылар әмере белән генерал башта вәхшиләрчә кыйналган. Аннан соң 500гә якын әсир солдат белән бергә, салкын су белән коеныдырылып, катырып үтерелгән. Дмитрий Карбышевның гәүдәсен крематориядә яндырганнар. 1946 елда Советлар Союзы Герое исеме бирелә.Татарстан Республикасы төбәк керәшен иҗтимагый оешмасының башкарма комитеты җитәкчесе Людмила Белоусова аңлатуынча, Дмитрий Карбышев - чыгышы белән ногайбәк керәшене. Казанда Карбышев урамы бар, хәтта һәйкәл дә куелган.