Йолдызнамә (17-24 август)

Кучкар (21 март - 20 апрель)   
Мин-минлекне йөгәнләргә туры киләчәк. Планнарыгызны тормышка ашырырга теләсәгез, борынны өскә чөю дигән нәрсәне онытып торырга туры киләчәк. 

Үгезбозау   (21 апрель - 20 май)
Атна туган-тумача, дус-ишнең гозерләрен үтәп үтеп китәчәк. Булышырга кирәк, тик үзегез турында да онытырга ярамый. 
Күчемсез милек белән бәйле сөенечле хәбәр алырсыз.

Игезәкләр (21 май - 21 июнь) 
Кайда гына булсагыз да, гел мактау сүзләре генә ишетерсез. Бу – арада көнчелек тудыруга сәбәп булырга мөмкин. Шуңа күрә бөтен кешегә эчегезне ачмагыз. Сәяхәт өчен дә уңышлы атна.

Кысла (22 июнь - 22 июль)
Мирас белән бәйле мәсьәләләргә җитди карагыз. Кирәкле документларны үз вакытында әзерләп бетерү ягын карагыз. Эш урынын алыштырудан курыкмагыз. Сез  шул рәвешле акча ягын яхшырта алырсыз. 

Арыслан  (23 июль - 23 август) 
Керемле эш тәкъдим итүләре ихтимал. Бу мөмкинлекне кулдан ычкындырмагыз. Ләкин беренче вакытта яңа эш урынында хезмәттәшләрегезне читтән генә күзәтеп, кемнең-кем икәнлеген аңлагыз. 

Кыз  24 август - 23 сентябрь 
Гаиләдәгеләрнең сабырлык казаннары ташып чыгарга охшап тора. Эгоизмның яхшыга илтмәгәнлеген ниһаять аңларга мәҗбүр булырсыз. Чөнки моны аларның колакларына киртләүче табылачак. 

Үлчәү  (24 сентябрь - 23 октябрь) 
Сабырсызланып кулыгызга керергә торган уңышны ычкындыра күрмәгез. Бу тормыштагы бөтен өлкәгә дә кагыла. Яңа эш тәкъдим итәргә мөмкинләр. Юк, дип әйтмәгез, югыйсә, ахырдан үкенерсез. 

Чаян  (24 октябрь - 22 ноябрь) 
Кирәкле урында, кирәкле кешеләр белән танышу карьера үсеше алып килергә мөмкин. Сезгә кирәкле урында “юк” дип әйтә белергә өйрәнергә кирәк. Күперләрне яндыргансыз икән, артка борылып карамагыз. 

Укчы  (23 ноябрь - 21 декабрь) 
Эштә дә, шәхси тормышыгызда да бөтенесе ал да гөл булачак. Ялгызлар мәхәббәтен очратырга мөмкин, ә аның никах белән тәмамлану ихтималы зур.

Кәҗәмөгез  (22 декабрь - 20 январь) 
Эштән бәхет мулдан. Бер нәрсәдән дә курыкмагыз, тәвәккәл булыгыз. Бөтенләй эшләп карамаган, сезгә таныш булмаган эш булса да, ерып чыгачаксыз.

Сукояр  (21 январь - 18 февраль) 
Энергия елга ярыннан агып чыккан су кебек ташый.  Үзләре генә тик тормау җитмәгән, башкаларны да эшкә җигәләр. Аның каравы, эшләренең нәтиҗәсеннән бик канәгать  булачаклар.

Балык (19 февраль - 20 март) 
Яңа тәкъдимнәргә ризалашырга ашыкмагыз, башта бик яхшылап уйлагыз. Тормышыгызда сезгә сиздерми генә ярдәм итәргә теләүче кеше барлыкка киләчәк. Алга таба мөнәсәбәтләрегезне ни дәрәҗәгә җиткерү сезнең үзегездән тора.

Фото: https://pxhere.com/ru/photo/265622