Машина фильтры: алма да, юма да

Шулай ук ул начар исләрне фильтрлый һәм автомобиль эчендә чиста һава белән тәэмин итә. Еш кына салон фильтрын «бардачок» артына, приборлар панеле артына яки алгы пыяла астына урнаштыралар.

Теләсә нинди башка фильтрлар кебек үк, монысы да еш тыгыла һәм аны алыштырырга кирәк. Элегрәк заманда тәҗрибәле машина йөртүчеләр кар төшкәннән соң салон фильтрын алып куя торган булган һәм кыш буе аннан башка гына йөргән.

Әмма мондый практика үткәндә кала. Чынлыкта, безнең заманда машина йөртүчеләрнең 90 проценты инде кышын салон фильтрларын алмый. 
Җәй буена салон фильтры тузан белән тула. Кыш көне шул тузанны суламас өчен һәм „мич“ яхшырак өрсен өчен, кышка фильтрларны еш кына алыштыралар. Ләкин кайчакта, экономия өчен, аны яңасын сатып алмыйча, алып кына аталар, диләр белгечләр.

Һава фильтрларының хезмәт итү вакыты машина эксплуатациясенә бәйле, гадәттә ул 15 мең чакрым юл белән чикләнгән. Ләкин машина тузанлы басулар буйлап яки төзелеш эшләре бара торган урыннарда йөрсә, ул вакытта саклагыч фильтрлар берничә көн эчендә тула. Һава агымы бозыла, кертү системасы кирәкле күләмдә кислород ала алмый. Һава никадәр күбрәк булса, яну температурасы да, димәк, моторның егәрлеге дә шулкадәр югарырак була. Турбо өргеч ярдәмендә һава күләмен ике тапкырга диярлек арттырырга мөмкин. Ләкин фильтр пычранганда кислород агымы кискен кими, һәм моторның көче дә азая.  

Салон эчендәге фильтр белән дә шул ук хәл. Саф һава агымы бозылганда тәрәзәләр тирли, ә пычракка баткан ячейкаларда авыру китереп чыгаручы микроорганизмнар барлыкка килә. 

Машина эчендәге һавадагы куркыныч матдәләрне нейтральләштерүне күмер фильтры яхшы башкара. Ул агулы азот оксидларын, корымны, шиннарның тузган продуктларын һәм башка химик газларны, ә алар белән бергә тәмсез исне дә чистарта. Асылда, күмер фильтры хәрби противогаз принцибы буенча эшли, һәм аның конструкциясе өлешчә хәрби техникада фильтрация системасын кабатлый.

Салон эчендәге күмер фильтрын чистартырга мөмкин, әмма бу процесс күпкә катлаулырак. Ячейкалар эчендә күмер порошогы бар. Шуңа күрә фильтрның функциональлеген саклау өчен пычракның өске катламын гына җыярга мөмкин. Каты селкеткәндә күмернең бер өлеше югалачак.
Салон эчендәге күмер фильтрын юарга ярамый. Тутырылган матдә суда эриячәк. 

Моннан тыш, материал күгәрек, гөмбә споралары һәм башка авыру тудыручы организмнар барлыкка килүне булдырмый торган антибактериаль сеңдергечкә ия. Су белән эшкәрткәндә ул юыла, һәм фильтр бактерицид үзлекләрен югалтачак. 

Шулай ук сабынлы эремә күмер тузанын вакытлыча электростатик тәэсиреннән мәхрүм итә. Шуңа күрә салон эчендәге күмер фильтры нык пычранса, аны яңасына алыштырырга кирәк. Аның хезмәт итү вакыты якынча 15 мең километр тәшкил итә, дип киңәш итә белгечләр. 

Фото: https://ru.freepik.com