#Киңәш сандыгы 08 ноябрь 2026, 12:09

«Монгол тавы» салаты рецепты

08 ноябрь 2026, 12:09

Салат өчен кирәк булачак: 4 пешкән чөгендер, 2 пешкән кишер, 1 уч кара җимеш, 150 гр каты сыр, 400 гр тавык ите, 3 тырнак сарымсак, 2-3 әстерхан чикләвеге, бер бәйләм укроп, майонез.

Скопировать ссылку

Пешкән чөгендерне эре угычтан чыгарырга һәм шуңа пресс аша чыгарган сарымсак кушып, бутарга. Тоз өстәргә, майонез салырга һәм тагын бер кат бутарга.

Угычтан чыгарылган кишерне угычтан чыгарылган сыр белән кушып бутарга.

Кыздырылган тавык итен вак итеп турарга һәм вакланган чикләвек белән кушырга. Берничә кашык майонез өстәп, бутарга. Кара җимешне вак итеп турарга.

Салатны катламлап җыярга. Беренче катлам итеп кызыл чөгендернең яртысын салырга. Аннан – тавык, бераз майонез, кишер белән сыр, майонез, кара җимеш, майонез. Өскә калган чөгендерне җәяргә.

Салатны вак итеп туралган укроп һәм әстерхан чикләвеге белән бизәргә.

Кызыклы яңалыкларны күзәтеп бару өчен безнең МАХ каналына кушылыгыз.