#Киңәш сандыгы 31 октября 2018, 15:55 Уку өчен 2 минут

Җир грушасы грипптан саклый һәм иммунитетны күтәрә

31 октября 2018, 15:55

Уку өчен 2 минут

Топинамбурны, икенче төрле, җир грушасы яки мәңгелек бәрәңге дип атыйлар, чөнки ул бер урында 30 ел үсә ала.

Скопировать ссылку

Җир грушасы грипптан саклый һәм иммунитетны күтәрә

Топинамбурны, икенче төрле, җир грушасы яки мәңгелек бәрәңге дип атыйлар, чөнки ул бер урында 30 ел үсә ала.

Уңышны да бәрәңгегә караганда күбрәк бирә.
Топинамбурда организмда глюкозаны үзләштерергә ярдәм итә торган инулин бар. Шуңа да ул шикәр диабетыннан һәм ашказаны асты бизе авыруларыннан интегүчеләр өчен файдалы. Ул шулай ук иммунитетны күтәрергә сәләтле. Аны һәрдаим ашаган кеше грипп белән авырмаска да мөмкин.

Шикәр авыруы вакытында көненә дүрт-биш җир грушасы ашарга кирәк. Аны чи килеш тә, пешереп тә ашарга мөмкин.

Борынга томау төшкәндә, топинамбур согын тамызыгыз.

Топинамбурдан запеканка

500 гр топинамбур, 100 гр каймак, 100 гр сыр, 1 бәйләм петрушка

Топинамбурны чистартып пешерәбез дә телемләп турыйбыз. Майлы табага тезеп, өстенә угычтан уылган сыр һәм ваклап туралган петрушка сибәбез һәм каймак агызабыз. Газ мичендә 10-15 минут пешерәбез.

Кызыклы яңалыкларны күзәтеп бару өчен Вконтактега кушылыгыз.

#топинамбур