Туныгыз озак еллар хезмәт итсен өчен түбәндәге киңәшләрне истә тотыгыз

Тимерчыбык элгечкә эләргә ярамый. Турыдан-туры кояш нурлары төшкән урында сакланса, мехның төсе үзгәрәчәк.

- Мех яңгырга да, карга да түзә. Урамнан кергәч, аны яхшылап селкегез дә җилләтелә торган коры бүлмәдә киптерегез. Кипкәннән соң, тагын бер кат селкегез. Юеш тунны тарак белән тарарга ярамый.
- Тунны җылыту приборлары янында киптерергә ярамый.
- Тунны җәй көне полиэтилен пакетта түгел, ә караңгы салкынча һәм җилләтелә торган урында саклагыз.
- Тунны, гадәттә, елына бер тапкыр химчисткада чистарттырыгыз. Тапларны өй шартларында бетереп азапланмагыз, нәтиҗәсе барыбер булмаячак.
- Тунга ислемайлар сөртмәгез.
- Ювелир эшләнмәләр тунның мехын һәм астарын ертырга мөмкин. Игътибарлы булыгыз.
- Сумкагызны җилкәдә йөртмәскә тырышыгыз. Юкса җилкә урыны ышкылып, мехы коелырга мөмкин.

фото:pixabay.com