Кыска вакытлы яшенле яңгырлар көтелә

Иртәгә, 28 июльдә, иртән, көндез һәм кичен республикада урыны белән һәм Казанда көньяк-көнбатыштан секундына 15-20 метрга кадәр көчәючән кыска вакытлы җил белән яшенле яңгыр көтелә, дип хәбәр итә Татар-информ.

Россия Гадәттән тыш хәлләр министрлыгының Татарстан буенча Баш идарәсе һава шартлары бозылганда урамда булганда, рекламна такталарыннан, агачлардан һәм электр линияләреннән ераграк торырга киңәш итә. Түбәләре, кәрнизләре, витриналары начар хәлдәге бина һәм йортлар янына сыенмаска, имгәнүләрдән саклану өчен, йорт, бина подъездларына яки подвалларга кереп тору сорала.