Путин: Россия Төркиягә янгыннарны сүндерүдә ярдәм итүен дәвам итәчәк

Россия президенты Владимир Путин Төркия коллегасы Рәҗәп Эрдоган белән телефоннан сөйләште. Россия лидеры Россиянең Төркиягә янгыннарны сүндерүдә һәрьяклап ярдәм күрсәтүен дәвам итәчәген раслады. Эрдоган рәхмәт белдерде. "Бу стихияле бәла-каза белән көрәштә ике илнең үзара хезмәттәшлеге әһәмияте билгеләнгән", - дип белдерделәр Кремль матбугат хезмәтендә.

Путин шулай ук Россия-Төркия күппланлы хезмәттәшлегенең актуаль темаларын күтәрде. Исегезгә төшерәбез, республиканың көньягында иң көчле урман янгыннары күбесенчә курорт зоналарын колачлады һәм шул ук вакытта анда ял итүче россиялеләрне бөтенләй куркытмады. Россия туроператорлары ассоциациясендә хәбәр итүләренчә, юлламалардан берәмлекләр баш тарта. Анталиядә РФ генконсуллыгы мәгълүматлары буенча, россиялеләр арасында зыян күрүчеләр юк.