Мәскәүдә яшәүче бер ханым «таҗлы вирус»тан арындырам, дип 65 мең сум акчасын микродулкынлы мичтә яндыра.
«Комсомольская правда», хәбәр иткәнчә, хатын акчаларын җайланмага куя һәм аны кабызып җибәрә. Шуннан мәхшәр башлана да инде, бар купюралар да шарт-шорт килә башлый. Электромагнит нурланышы кәгазь рубльләрдәге метальлләштерелгән тасмаларны яндырып чыгара.
«Әйтергә кирәк, мин җиңелчә генә шок хәлендә идем, ә сез кайчан да булса микродулкынлы мичтә, акчаларыгызны дезинфекцияләгәнегез булдымы», - дип яза әлеге ханым үзенең инстаграмм сәхифәсендә.
Кыз янган акчаларның фотосын социаль челтәрләргә элеп куя, шуннан соң аңа күп санлы комментарийлар килә.
Иң мөһим һәм кызыклы язмаларны Татмедиа Telegram-каналында укыгыз
