Казанда яңа Камал театрын БРИКС саммитына төзеп бетерергә вәгъдә итәләр

Шәһәр мэры Илсур Метшин бу хакта эшлекле дүшәмбе барышында хәбәр итте.
Шулай ук Татарстан башкаласында якын арада Җәмигъ мәчете төзелеше башланачак. Ул Казанның яр буен бизәп кенә калмыйча, яңа кунакханәләр, офис биналары, сәүдә мәйданнары һәм иҗтимагый киңлекләр булдыру мөмкинлеге дә бирәчәк.

Исегезгә төшерәбез, быел Казан юлларын ремонтлауга 16,3 миллиард сум акча тотылачак. Бу сумманың 6,1 миллиарды БРИКС илләре саммитын һәм уеннарын үткәрү өчен юл инфраструктурасын әзерләүгә юнәлдереләчәк.