Казаннан Адлерга баручы пассажир поезды һәлакәткә юлыккан
Казаннан Адлерга баручы пассажир поезды Волгоград өлкәсендә рельслардан төшкән.
Казаннан Адлерга баручы пассажир поезды Волгоград өлкәсендә рельслардан төшкән.
Каза урынында зыян күрүчеләрне алып китәр өчен өч "ашыгыч ярдәм" бригадасы эшли, дип хәбәр итә РИА Новости.
Россия тимер юллары Волгоград өлкәсендә тимер юлдагы гадәттән тыш хәл килеп чыгуы турындагы мәгълүматны раслаган. Авария Гремячая - Котельниково полигонында булган, поезд йөк машинасына килеп бәрелгән.
Рельслардан сигез вагон төшкән, зыян күрүчеләр турында мәгълүмат ачыклана. Урынга оператив хезмәтләр һәм төзекләндерү поездлары чакырылган.
Волгоград өлкәсендә поезд белән бәрелешкән йөк машинасы йөртүчесе хастаханәгә озатылган, дип хәбәр итә Россия эчке эшләр министрлыгы вәкиле Ирина Волк
320дән артык кеше һәм 100 берәмлек техника Волгоград янындагы тимер юл һәлакәтенең нәтиҗәләрен бетерүгә җәлеп ителгән, шулай ук ике Ми-8 вертолеты әзерләнә, дип хәбәр итә гадәттән тыш хәлләр министрлыгы.
Волгоград янындагы тимер юлдагы гадәттән тыш хәлдән соң зыян күрүчеләр турында беренче рәсми мәгълүмат пәйда булды.
Россия сәламәтлек саклау министрлыгы биш кешенең хастаханәгә салынуын хәбәр итте, алар арасында бер бала бар.
Комментарийлар