Казанның Киров һәм Мәскәү районнарын кем җитәкләячәге билгеле булды

«Татар-информ» мәгълүматларына караганда, Казанның Киров һәм Мәскәү районнарының яңа башлыгы булып Татарстан сәламәтлек саклау министры урынбасары – Казан Сәламәтлек саклау идарәсе башлыгы Владимир Жаворонков торачак.

Рәсми рәвештә бу мәгълүматны әлегә беркем дә расламый, әмма кайбер чыганаклар иртәгә Жаворонковның Казанның Сәламәтлек саклау идарәсе башлыгы вазифасында соңгы көне булуын хәбәр итә.