Шул ук вакытта, өстәмә түләүләр дә калачак.
Мәктәпләрдә сыйныф җитәкчеләренең хезмәт хакы 5 мең сумга артачак. Әлеге тәкъдимне бүген Федраль Җыенга юлламасында Россия Президенты Владимир Путин җиткерде.
Аның сүзләренчә, илдәге барлык мәктәпләрдә дә сыйныф җитәкчеләренә 5 мең сум күләмендә түләү кертеләчәк. Шул ук вакытта, өстәмә түләүләр дә калачак.
“1 сентябрьдән алып сыйныф җитәкчеләренә 5 мең сум күләмендә өстәмә түләүләр кертергә тәкъдим итәм. Акчалар федераль бюджеттан каралачак”, - диде Владимир Путин һәм укытучылар, табиблар, бюджет өлкәсендә эшләүчеләрнең хезмәт хакы параметрлары үтәлергә тиешлеген ассызыклады.
“Бу темага еш мөрәҗәгать итүем юкка гына түгел. Мәсьләләне контрольдә тотмасаң, кайберәүләр темадан “тайпылырга” гына тора. Болай эшләргә кирәкми”, - диде Президент.
Лилия ЛОКМАНОВА
Иң мөһим һәм кызыклы язмаларны Татмедиа Telegram-каналында укыгыз
